
帝洛巴大師教言集TILO27སྙན་བརྒྱུད་ཡིད་བཞིན་ནོར་བུའི་ཡབ་བཀའ་དཔལ་འཁོར་ལོ་སྡོམ་པའི་སྒྲུབ་ཐབས་དཀྱིལ་ཆོག་རྒྱས་པ་བཞུགས་སོ། །
1-11-1a

༄༅། །སྙན་བརྒྱུད་ཡིད་བཞིན་ནོར་བུའི་ཡབ་བཀའ་དཔལ་འཁོར་ལོ་སྡོམ་པའི་སྒྲུབ་ཐབས་དཀྱིལ་ཆོག་རྒྱས་པ་བཞུགས་སོ། །
༄༅། །སྙན་རྒྱུད་(བརྒྱུད་)ཡིད་བཞིན་ནོར་བུའི་ཡབ་བཀའ་དཔལ་འཁོར་ལོ་སྡོམ་པའི་སྒྲུབ་ཐབས་དཀྱིལ་ཆོག་རྒྱས་པ་བཞུགས་སོ། །
1-11-1b

༄༅། །རྒྱ་གར་སྐད་དུ། བྷ་ག་ཝ་ན་ཤྲཱི་ཙཀྲ་སམ་བྷཱ་ར་ས་དྷཱ་ནཱཾ་ནཱ་མ། བོད་སྐད་དུ། བཅོམ་ལྡན་འདས་དཔལ་འཁོར་ལོ་སྡོམ་པའི་སྒྲུབ་ཐབས་ཞེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །དང་པོ་ཕྱག་རྒྱ་
ཆེན་པོ་ལ་འདུན་པའི་རྣལ་འབྱོར་པས་བླ་མའི་རྣལ་འབྱོར་བྱས་{རྣལ}། རྣལ་འབྱོར་གྱི་དབང་ཕྱུག་སྒྲུབ་པར་བྱ་སྟེ། དེ་ལ་གནས་རི་རབ་ཀྱི་སྟེང་དུར་ཁྲོད་དུ་མོས་ལ་གདན་རོའི་སྟེང་དུ་སྐྲ་ཤིག་གཅེར་བུ་ཁ་ལྷོར་ལྟས་ཏེ། བདུད་རྩི་
རིལ་བུ་ཁར་བཅུག་ལ། སེམས་ཅན་ལ་ཕན་པ་དང་བདེ་བའི་དོན་དུ། བདག་ཧེ་རུ་ཀ་རུ་བྱའོ་ལན་གསུམ་བརྗོད་ཏེ(དེ)། སྟོན་པའི་ས་ང་རྒྱལ་དུ་བྱས་ལ་ཡི་གེ་བཞིའི་དོན་སྔོན་དུ་བྱས་ཏེ། ཐོག་མར་ཨོཾ་ཐ་མར་ཏྲཱཾ་ཧཱུཾ་ཧཱུཾ་ཕཊ་ཕཊ་
དང་ལྡན་པའི་ཨ་ལི་ཀ་ལི་བརྗོད་པས། ཁ་ནས་ཡིག་འབྲུའི་ཚོགས་དཀར་ལ་དམར་བའི་མདངས་ཆགས་པ་དཔག་ཏུ་མེད་པ་འཕྲོས་བྱས་ཏེ། སླར་ཚུར་ལོག་དག་(བདག་)ཉིད་ཀྱི་ཁ་ནས་ཞུགས་ལུས་ཀྱི་གནས་ཐམས་ཅད་གང་བར་ལྟའོ། །དེ་ནས་སེམས་
ཅན་ཐམས་ཅད་ཟག་པ་མེད་པའི་བདེ་བ་དང་ལྡན་པའི་བྱམས་པ་དང་སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་འདོད་པའི་སྙིང་རྗེ་དང་། བྲལ་ལྡན་གཉིས་རྒྱུན་རྟེན་པར་འདོད་པའི་དགའ་བ་དང་། སེམས་ཅན་ཐམས་ཅད་ལ་
ཁྱད་པར་ཉོན་མོངས་པ་དང་ཉེ་བའི་ཉོན་མོངས་པས་མ་གོས་པར་འདོད་པའི་བཏང་སྙོམས་ཚད་མེད་པ་སྒོམ་པར་བྱའོ། །དེ་ནས་ཤེས་བྱའི་ཕུང་པོ་ཁམས་སྐྱེ་མཆེད་ལྟ་བུའི་ངོ་བོར་ཤེས་བསལ་སྒྲིབ་པ་སྲུང་བའི་ཕྱིར་གཟུགས་
1-11-2a

ཀྱི་ཕུང་པོ་ལ་རྣམ་པར་སྣང་མཛད་མགོ་བོར་ཨོཾ་དཀར་པོ་ལས་ཞལ་ཅིག་ཕྱག་གཉིས་སྤྱན་གསུམ་པ་མཆེ་བ་རྩིགས་པ་རལ་པའི་ཐོར་རྩུགས་(ཚུགས་)དར་ཀྱི་(གྱི་)ཅོད་པན་གྱིས་མཛེས་པ། ཕྱག་གཡས་འཁོར་
ལོ་གཡོན་དེས་ཡུ་བ་བྱས་པའི་དྲིལ་བུ་ཐུགས་ཁར་རོལ་བས་འཛིན་པ། རོལ་བའི་ཁྲོ་བོ་སྟག་གི་ལྤགས་(པགས་)པའི་ཤམ་ཐབས་མི་མགོ་རློན་པ་ལྔ་བཅུའི་དོ་ཤལ་ཅན་ཕྱག་དྲུག་གིས་བརྒྱན་པ་སྐུ་ཐེ་(མཐེ་)བོང་གིས་ཚད་ཙམ་ལ།
གཡས་རྐྱང་(བརྐྱང་)བས་ཟླ་བ་ལ་བཞུགས་པར་ལྟའོ། །དེ་བཞིན་དུ་ཚོར་བའི་ཕུང་པོ་ལ་རིན་ཆེན་འབྱུང་གནས་ལྟེ་བར་ཏྲཾ་སེར་པོ་ལས་འདུས་བྱས་ཀྱི་ཕུང་པོ་ལ་སྣང་བ་མཐའ་ཡས། མགྲིན་པར་ཨ་དམར་པོ་ལས་འདུ་བྱེད་ཀྱི་
ཕུང་པོ་ལ་དོན་ཡོད་གྲུབ་པ་བོལ་གོང་དུ་ཁཾ་ལྗང་ཁུ་ལས་རྣམ་པར་ཤེས་པའི་ཕུང་པོ་ལ་རྡོ་རྗེ་སེམས་དཔའ་སྙིང་གར་ཧཱུཾ་དཀར་པོ་ལས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཤྲཱི་ཧེ་རུ་ཀ་རྡོ་རྗེ་ནི་སྤྱི་ཙུག་(གཙུག་)ཏུ་ཧཱུཾ་འཐིང་(མཐིང་)ཁ་
ལས་ཏེ། ཕྱག་གཡས་ཐམས་ཅད་དུ་རིམ་པ་ལྟར། རིན་པོ་ཆེ་དང་། པདྨ་དང་། རྒྱ་གྲམ་དང་། རྡོ་རྗེ་དང་། གཡོན་ཐམས་ཅད་དེ་དང་དེས་ཡུ་བ་བྱས་པའི་དྲིལ་བུ་ཐུགས་ཁར་འཛིན་པའོ། །དེ་ནས་མིག་གཉིས་ལ་
སྐྲོ་ལས་གཏི་མུག་རྡོ་རྗེ་དཀར་པོ་གཟུགས་རྡོ་རྗེ་མས་འཁྱུད་པ་རྣ་བ་གཉིས་ལས་ཧཱུཾ་ལས་ཞེ་སྡང་རྡོ་རྗེ་ནག་པོ་སྒྲ་རྡོ་རྗེ་མས་འཁྱུད་པ། སྣ་ལ་ཏྲཾ་ལས་སེར་སྣ་རྡོ་རྗེ་སེར་པོ་ལ་ཧྲི་རྡོ་རྗེ་མས་འཁྱུད་པ། ལྩེའི་རྩ་བར་ལམ་ལས་
1-11-2b

འདོད་ཆགས་རྡོ་རྗེ་དམར་པོ་ལ་རོ་རྡོ་རྗེ་མས་འཁྱུད་པ། གསང་རྩེར་ཧཾ་ལས་ཕྲ་(ཕྲག་)དོག་རྡོ་རྗེ་ལྗང་ཁུ་ལ་རེག་བྱ་རྡོ་རྗེ་མས་འཁྱུད་པ། སྙིང་གར་ཧཱུཾ་ཡོངས་སུ་གྱུར་པ་ལས་དབང་ཕྱུག་རྡོ་རྗེ་དཀར་པོ་ལ་ཆོས་དབྱིངས་རྡོ་རྗེ་དཀར་མོས་འཁྱུད་པ་
སྐྱེད་དེ། ཐམས་ཅད་རང་གིས་རིགས་ཀྱིས་བདག་པོ་རྣམས་དང་མཚུངས་པ། ཕྱག་གཡས་ཐམས་ཅད་རང་གི་རིགས་ཀྱི་མཚན་མ་ཅན་དང་། གཡོན་ཐམས་ཅད་དྲིལ་བུ་དང་བཅས་པས་ཡུམ་ལ་འཁྱུད་པ། ཡུམ་གྱི་ཕྱག་གཡོན་
ཐམས་ཅད་ཀ་པ་ལ་དང་གཡས་པས་རིམ་པ་ལྟར། མེ་ལོང་པི་ཝཾ་དུང་ཆོས་ཞལ་ཟས་གོས་སྣ་ཚོགས་པ་དང་ཆོས་འབྱུང་འཛིན་པའོ། །སའི་ཁམས་ལས་བཏུང་བར་བྱེད་པ་ནི། ལྟེ་བར་རིགས་ཀྱི་བདག་པོའི་འོག་ཏུ་ལ་ལས་
སངས་རྒྱས་སྤྱན་མ་སེར་མོ། ཞལ་གཅིག་ཕྱག་བཞི་མ་སྤྱན་གསུམ་མ། མཆེ་བ་རྩིགས་(གཙིགས་)པ་གཡོན་གྱི་དང་པོ་ཐོད་པ་གཉིས་པ་ན་ཁ་ཏྲཾ་ཁྲ། གཡས་དང་པོ་ན་འཁོར་ལོ་གཉིས་པ་ན་ཌཱ་མ་རུ་འཁོྲལ་བ། རོལ་པའི་ཁྲོ་མོ་
སྒེག་ཅིང་ལང་ཚོ་རོལ་པ་གཅེར་བུ་སྐྲ་གྲོལ་རྣམ་པར་མཛེས་མ་མི་མགོ་སྐམ་པོ་ལྔ་བཅུའི་མགོ་འཕྲེང་མགུལ་ན་འཆང་བ་མིའི་རུས་པའི་ཕྱག་རྒྱ་ལྔ་ཡིས་རྒྱན་པར་སྐུ་མཐེ་བོང་གིས་ཚད་ཙམ་པ་གཡས་སུ་རྐྱང་(བརྐྱང་)བས་ཉི་མ་
ལ་བཞུགས་པར་བལྟའོ། །དེ་བཞིན་དུ་ཆུའི་ཁམས་ལ་མཾ་ལས་གསོད་པར་བྱེད་པ་ནི། སྙིང་གར་རྡོ་རྗེ་སེམས་དཔའ་དང་ཀུན་ཏུ་བཟང་པོའི་བར་དུ་མ་མ་ཀི་སྔོན་མོ། གཡས་དང་པོ་ན་རྡོ་རྗེ། མེའི་ཁམས་འགུག་བྱེད་
1-11-3a

མ་མགྲིན་པར་སྣང་མཐའི་འོག་ཏུ་པཾ་ལས་གོས་དཀར་མོ་དམར་མོ་གཡས་དང་པོ་པདྨ་རླུང་གི་ཁམས་པདྨ་གར་གྱི་དབང་ཕྱུག་ནི་མགོ་བོར་རྣམ་སྣང་གི་འོག་ཏུ་ཏཾ་ལས་སྒྲོལ་མ་ལྗང་ཁུ། གཡས་
དང་པོ་ན་སྣ་ཚོགས་རྡོ་རྗེ་ནམ་མཁའི་ཁམས་ལ་པདྨའི་དྲ་བ་ཅན་མ་ནི། བཤང་ལམ་དུ་ཁམ་ལས་དུ་བའི་མདོག་ཅན། ཞལ་གསུམ་ཕྱག་དྲུག་གཡོན་དམར། གཡས་སེར་སྤྱན་གསུམ་གསུམ་མཆེ་བ་བཞི་བཞི་རྩིགས།
ཕྱག་དང་པོ་གཉིས་གྲི་གུག་དང་ཐོད་པ་འཁྱུད་པའི་ཚུལ་དུ་མཛད་པ་གཡོན་གཉིས་པ་ན་ཁ་ཏྲཾ་(ཊྭཱཾ་)ག །གསུམ་པ་ན་ཞག་(ཞགས་)པ། གཡས་གཉིས་པ་ཚངས་པའི་མགོའོ། །གསུམ་པ་ན་ལྕགས་ཀྱུ་བསྣམས་པའོ། །དེ་ལྟར་
ལྷ་ཚོགས་ཐམས་ཅད་མེ་ལོང་གཟུགས་བརྙན་ཤར་བ་ལྟར་གསལ་བར་ལྟ་བར་བྱའོ། །དེ་ནས་བདག་ལ་ཞལ་བཞི་ཕྱག་བཅུ་གཉིས་པར་ལྟས་ལ། ཕྱིའི་བགེགས་བསྲུང་བར་བྱ་སྟེ། གཡོན་པའི་མཛུབ་མོས་སེ་གོལ་
རྟོག་(གཏོག་)ཅིང་། ཨོཾ་སུམ་བྷ་ནི་ཧཱུཾ་ཧཱུཾ་ཕཊ། ཞེས་(ཅེས་)ཁ་ནས་སྔགས་ཀྱི་ཡིག་འབྲུ་རི་རབ་ཙམ་པ་ཁ་དོག་དམར་ནས་འོད་ཟེར་རབ་ཏུ་འབར་བ་འཕྲོས་ཏེ། དེའི་འོད་ཟེར་ལས་བྱུང་བའི་ལྷ་མོ་ཁྭ་གདོང་མ་གང་དུ་ལྟས་པ་ཤར་ཡིན་པ་
དེར་འཁོད་དོ། །དེ་བཞིན་དུ། ཨོཾ་གྷྲིཧྣ་གྷྲིཧྣ་ཧཱུཾ་ཧཱུཾ་ཕཊ་དང་འུག་དོང་(གདོང་)མ་བྱང་དུ། ཨོཾ་གྷྲིཧྣ་པ་ཡ་གྷྲིཧྣ་པ་ཡ་ཧཱུཾ་ཧཱུཾ་ཕཊ་དང་ཁྱི་གདོང་མ་ནུབ་ཏུ་ཨོཾ་ཨ་ན་ཡ་ཧོ་བྷ་ག་ཝན་བཛྲ་ཧཱུཾ་ཧཱུཾ་ཕཊ་དང་། ཕག་གདོང་མ་ལྷོ་སྒོར་འཁོད། 
1-11-3b

ཡང་སུ་བྷ་ནི་དང་གཤིན་སྲེག་མ་ཤར་ལྷོར། གྷྲིཧྣ་དང་ཕོ་ཉ་མོ་ལྷོ་ནུབ། གྷྲིཧྣ་པ་དང་མཆེ་བ་ཅན་མ་ནུབ་བྱང་། ཨ་ན་ཡ་ལ་སོགས་དང་འཇོམས་མ་བྱང་ཤར་དུ་འཁོད། ལྷ་མོ་དེ་དག་ཐམས་ཅད་སྐུ་མདོག་དམར་
ནག་ཞལ་ཅིག་ཕྱག་བཞི་སྤྱན་གསུམ་མ་མཆེ་བ་རྩིགས་(གཙིགས་)པ་དབུ་སྐྲ་ཁམ་ནག་གྱེན་དུ་འབར་བ། ཕྱག་གཡོན་དང་པོ་སྟོད་རང་འདྲ་ལ་སྨད་ལྟེ་བ་མན་ཆད་ག་ཟུར་གསུམ་ཕུར་བུ་མེ་རབ་ཏུ་འབར་བའི་རི་རབ་ཙམ་པ་གཉིས་
པ་ན་ཁ་ཏྲཾ་(ཊྭཱཾ་)ག །གཡས་དང་པོ་ན་རྡོ་རྗེ་ཐོ་བ་གཉིས་པ་ན་གྲི་གུག་བསྣམས་པ། ཞབས་དང་དབུ་གསེར་གྱི་ས་གཞི་དང་ཚངས་པའི་འཇིག་རྟེན་ལ་ཐུག་པ་ཤིན་ཏུ་ཆེ་བ་གཏུམ་པའི་ཁྲོ་མོ་འོད་ཟེར་རབ་ཏུ་འབར་མ་སྟག་
གི་ལྤགས་(པགས་)པའི་ཤམ་ཐབས་ཅན་རྣམས་བརྒྱད་རང་(རུང་)ཞིང་གནས། ཞལ་ཕྱིར་གཟིགས་ནས་འཁོར་བར་བལྟས་ཏེ། དེ་དག་གིས་(ག་ི)འོད་ཟེར་བཟོད་པར་དཀའ་བས་བགེགས་རྣམས་གླིང་གཞན་དུ་ཁྱེར་བར་བསམ་མོ། །དེ་ནས་
སྔགས་ཀྱི་ར་བ་ཆེན་མོ་དེ་ཡོངས་སུ་གྱུར་པ་ལས་རྡོ་རྗེའི་ར་བ་དམར་ནག་གྲུ་བཞི་པ་རྒྱར་སྟོང་གསུམ་ཙམ་མམ་སྒྲུབ་པ་པོའི་བློ་དང་འཐུན་པར་ལྟས་ལ། ཨོཾ་བཛྲ་པྲ་ཀ་ར་ཧཱུཾ་བཾ་ཧཱུཾ། ཞེས་པ་བརྟན་པར་བྱིན་གྱིས་རླབ་པོ་(བརླབ་བོ)། །
དེ་བཞིན་དུ་ར་བ་ལས་འོད་ཟེར་རབ་ཏུ་འཕྲོས་པས། འོག་ན་སྣ་ཚོགས་རྡོ་རྗེའི་ས་བཞིར་ལྟས་ལ་ཨོཾ་མི་དྷི་ནི་བཛྲ་བྷ་ཝ་བཛྲ་བྷན་དྷ་ཧཱུཾ་ཧཱུཾ། དེ་ལས་གུར་གྲུ་བཞི་པ་ཐོག་རྩེ་མོ་ཅན་ཨོཾ་བཛྲ་པཉྩ་ར་ཧཱུཾ་བཾ་ཧཱུཾ། དེའི་འོག་ཏུ་བླ་རེས་
1-11-4a

གྲུ་བཞི་པ། ཨོཾ་བྷི་ཏ་ན་ཧཱུཾ་ཁཾ་ཧཱུཾ་དེ་རྣམས་ལས་ཕྱི་རོལ་མདའི་དྲ་བ་གྲུ་བཞི་པ་སྟེང་འོག་ཕྱོགས་འཚམས་(མཚམས་)ཐམས་ཅད་ཁྱབ་པར་ལྟས་ལ་ཨོཾ་བཛྲ་ས་ར་ཛཱ་ལ་ཏྲི་སི་ཏྲི་དེ་ལས་མེ་རི་དམར་ནག་འབར་བས་
སྟེང་འོག་ཕྱོགས་འཚམས་(མཚམས་)ཐམས་ཅད་ཁྱབ་པར་ལྟས་ལ། ཨོཾ་བཛྲ་ཛཱ་ལ་ཨ་ན་ལརྒ་ཧཱུཾ་ཧཱུཾ་ཧཱུཾ་ཞེས་པ་བརྟན་པར་བྱིན་གྱིས་རླབ་(བརླབ་)བོ། །དེ་ནས་ལྷ་མོ་དེ་དག་གི་མདུན་དུ་དོང་དཔག་ཚད་བཞི་ཁྲི་ཡོད་པ། ཤིན་ཏུ་ནག་པ་ཁ་ཁྱེར་
བ་ཕྲད་པ་རྒྱར་ལྟས་ལ། དེ་ནས་ལྷ་མོ་དེ་རྣམས་ཀྱིས་འོད་ཟེར་ལྕགས་ཀྱུ་ལྟ་བུས་བགེགས་མ་ལུས་པ་ཐམས་ཅད་བཀུག་སྟེ་དོང་གི་ནང་དུ་བཅུག་པར་བསམ་ལ་བདག་ཉིད་ཁྲོའི་ལྟ་བ་དང་བཅས་ལྷ་མོ་རྣམས་ལ་བཀའ་སྒོ་
བ། ཨོཾ་གྷ་གྷ་གྷ་ཏ་ཡ་སརྦ་དུཥྚན་ཧཱུཾ་ཧཱུཾ་ཕཊ། ཀི་ལ་ཡ་ཀི་ལ་ཡ་སརྦ་པ་པཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀི་ལ་ཡ་བཛྲ་དྷ་རོད་ཨཛྙ་པ་ཡི་ཏ་སརྦ་བྷི་ག་ནཾ་ཀ་ཡ་ཝ་ཀ་ཙི་ཏ་བཛྲ་ཀི་ལ་ཡ་ཧཱུཾ་ཧཱུཾ་ཕཊ་ཞེས་(ཅེས་)པ་དང་། ལྷ་མོ་རྣམས་ཀྱིས་
ཕུ་རབ་བགེགས་རྣམས་ཀྱི་སྤྱི་བོར་རྩུགས་(བཙུགས་)པ་དང་། ཨོཾ་བཛྲ་མུད་ཀ་ར་བཛྲ་ཀི་ལ་ཡ། ཨ་ཀོ་ཊ་ཡ་ཧཱུཾ་ཧཱུཾ་ཕཊ་ཞེས་(ཅེས་)རྗོད་པ་དང་། གཡས་པའི་ཐོ་བ་རྣམས་ཀྱིས་བརྡུངས་པས། བགེགས་རྣམས་གདུག་སེམས་དང་བྲལ་ནས་
ཟག་པ་མེད་པའི་བདེ་བ་མྱོང་བར་བསམ། ཕུར་བུ་རྣམས་སྡོམ་པའི་ལྷ་ཚོགས་སུ་གྱུར་ཏེ། དེ་ཉིད་དུ་གནས་པ་དང་། ལྷ་མོ་རྣམས་འོད་ཟེར་རབ་ཏུ་འབར་བའི་ཚོགས་སུ་གྱུར་ནས། མེ་རི་ར་གུར་ལ་ཐིམ་པས་སྐུ་གསུམ་ཡེ་ཤེས་
1-11-4b

ལྔའི་ནུས་པ་དང་ལྡན་པར་བསམ་མོ། །དེ་ནས་རང་གིས་སྙིང་ཀར་ཨ་ལས་ཟླ་བའི་སྟེང་དུ། ཧཱུཾ་དཀར་ལ་སྔོ་བའི་མདང་ཆགས་པ་ཡེ་ཤེས་ལྔའི་ངོ་བོ་འོད་ཟེར་ལྔ་འཕྲོ་བར་ལྟས་ལ། དེ་ལས་འོད་ཟེར་འཕྲོས་པ་ལས།
ལྷ་དྲུག་ཅུ་རྩ་གཉིས་ཀྱི་དལ་གྱི་ལྷ་འཁོར་ལོ་ཁང་པ་རྩིགས་མ་དུར་ཁྲོད་དང་བཅས་པའི་ངོ་བོའི་དབུའི་ཆ་ལ་བླ་མ་བཞུགས་པར་སྤྲུལ། དེ་ནས་རང་གི་ལུས་ཞིང་གི་རྡུལ་སྙེད་དུ་སྤྲུལ་ལ་ཐམས་ཅད་ཀྱི་ཞབས་ལ་བཏུད་དེ་
ཕྱག་བྱའོ། །དེ་ནས་སེམས་ཅན་ཐམས་ཅད་ཀྱི་དོན་དུ་བདག་གིས་ལུས་འདི་དག་འབུལ་བར་བགྱི་ཞེས་ཕུལ། དེ་ནས་རང་གི་སྙིང་ཁའི་ཧཱུཾ་གིས་འོད་ཟེར་ལས་པི་ཝང་མ་སྔོན་མོ་ཞལ་ཅིག་ཕྱག་བཞི་མ་ཕྱག་དང་པོ་
གཉིས་པི་ཝང་སྒྲེངས་པ། འོག་མ་གཉིས་རྡོ་རྗེ་དྲིལ་བུ་ཁྲོལ་(འཁྲོལ་)བ། ཞི་བ་ལ་དར་གྱི་ནམ་བཟའ་དང་རིན་པོ་ཆེའི་རྒྱན་གྱིས་རྒྱན་པ་མཛེས་པ་ཡིད་དུ་འོང་བ་ནམ་མཁའི་མཐས་ཀླས་པས་གང་བར། ཨོཾ་ཨ་བཛྲ་བི་ནི་ཧཱུཾ། ཞེས་
བརྗོད་པས་མཆོད་དོ། །དེ་བཞིན་དུ་གླིང་བུ་མ་སེར་མོ་ཕྱག་དང་པོ་གཉིས་སྙུག་མའི་གླིང་བུ་ཞལ་དུ་བཅུག་ནས་འབུད་པ། ཨོཾ་ཨ་བཛྲ་བང་སེ་ཧཱུཾ། རྫ་རྔ་མ་དམར་མོ་རྫ་རྔ་ཁ་གཉིས་འཕྲག་(ཕྲག་)པ་ལ་སྐལ་(བཀལ་)ནས་བརྡུང་བ། ཨོཾ་ཨ་
བཛྲ་མུར་ན་ཛེ་ཧཱུཾ། རྔ་གླུ་མ་ལྗང་ཁུ་རྔ་ཆེན་པོ་ཁྲི་ལ་བཞག་ནས་བརྡུང་བ། ཨོཾ་ཨ་བཛྲ་མུ་ཀུན་དྷེ་ཧཱུཾ། ཡང་ཐུག་ཁའི་(ཐུགས་ཀའི་)ཧཱུཾ་གིས་འོད་ཟེར་ལས་བཞད་མ་དམར་མོ་ཞལ་ཅིག་ཕྱག་བཞི་དང་པོ་གཉིས་སྲིན་ལག་ཞལ་དུ་བཅུག་ནས་
1-11-5a

བཞད་པའི་ཕྱག་རྒྱ་མཛད་པ་གཉིས་པ་ཌཱ་མ་རུ་ཁྲོལ་(འཁྲོལ་)བ་གཡོན་པ་ཐོད་པ་བསྣམས་པ། ཁ་ཏྲཾ་(ཊྭཱཾ་)ཀ་སྐུ་ལ་རྟེན་པ་ཞི་བ་དར་གྱི་ན་བཟའ་རིན་པོ་ཆེའི་རྒྱན་གྱིས་རྒྱན་(བརྒྱན་)པ། མཛེས་ཤིང་ཡིད་དུ་འོང་བ་
ནམ་མཁའི་མཐའ་ཀླས་པས་གང་བར། ཨོཾ་ཨ་བཛྲ་ཧ་སེ་ཧཱུཾ། ཞེས་རྗོད་པས་མཆོད་དོ། །དེ་བཞིན་དུ་མཁའ་འགྲོ་མ་སྔོན་མོ་ཕྱག་དང་པོ་རྡོ་རྗེ་སྐུར་རྟེན་(བརྟེན་)པ། ཨོཾ་ཨ་བཛྲ་ལ་སྱེ་ཧཱུཾ། གླུ་མ་སེར་མོ་ཕྱག་དང་པོ་གཉིས་ཏིང་
ཏིང་ཤག་འཁྲོལ་བ། ཨོཾ་ཨ་བཛྲ་གྷིར་ཏི་ཧཱུཾ། གར་མ་ལྗང་ཁུ་ཕྱག་དང་པོ་གཉིས་གར་གྱིས་(གྱི་)ཕྱག་རྒྱ་པད་སྐོར་(ཀོར་)སྤྱི་གཙུག་ཏུ་བྱེད་པ། ཨོཾ་ཨཱ་བཛྲ་ནི་རི་ཏ་ཧཱུཾ། ཡང་ཐུགས་ཁའི་ཧཱུཾ་ལས་འོད་ཟེར་འཕྲོས་པས་དེ་ལས་
བྱུང་བའི་ལྷ་མོ་མེ་ཏོག་མ་དཀར་མོ། ཞལ་ཅིག་ཕྱག་བཞི་མ་གཡས་ཀྱི་དང་པོ་ན་ལྷ་རྫས་ཀྱི་མེ་ཏོག་གི་གཞོང་པ་ཐོགས་པ། གཉིས་པ་ན་ཌཱ་མ་རུ་འཁྲོལ་བ། གཡོན་དང་པོ་ན་ཐོད་པ། གཉིས་པ་ན་ཁ་ཏྲཾ་(ཊྭཱཾ་)ག་བསྣམས་པ།
ཞི་བ་དར་གྱི་ནམ་མཁའ་བཟའ་(ཟ་)དང་། རིན་པོ་ཆེའི་རྒྱན་གྱིས་བརྒྱན་པ། སྒེག་ཅིང་ལང་ཚོ་ལ་བབ་པ། མཛེས་ཤིང་ཡིད་དུ་འོང་བའི་མཐའ་ཀླས་པས་གང་བ། ཨོཾ་ཨ་བཛྲ་པོཥྤེ་(པུཥྤེ་)ཧཱུཾ། ཞེས་མཆོད་དོ། །དེ་བཞིན་དུ་བདུག་
སྤོས་མ་དུ་བའི་མདོག་ཅན། ཕྱག་གཡས་དང་པོ་ན་ལྷ་རྫས་ཀྱི་ཨ་རུ་དང་དུ་རུ་ཀ་ལ་སོགས་པའི་སྤོས་ཐོགས་པ། ཨོཾ་ཨ་བཛྲ་དྷུ་པེ་ཧཱུཾ། མར་མེ་མ་དམར་མོ་ཕྱག་གཡས་ཀྱི་དང་པོ་ནི། རྫས་ཀྱི་སྣང་གསལ་ཐོགས་པ། 
1-11-5b

ཨོཾ་ཨ་བཛྲ་ཨ་ལོ་ཀེ་ཧཱུཾ། དྲི་ཆབ་མ་དཀར་མོ་ཕྱག་གཡས་ཀྱི་དང་པོ་ན་ལྷ་རྫས་ཀྱི་ཙན་དན་ག་བུར་ལ་སོགས་པའི་དྲིའི་དུང་ཆོས་བསྣམས་པ། ཨོཾ་ཨ་བཛྲ་གྷན་དྷེ་ཧཱུཾ། གཟུགས་མ་དཀར་མོ་གཡས་ཀྱི་དང་པོ་ན་མེ་ལོང་
ཐོགས་པ། ཨོཾ་ཨ་བཛྲ་རུ་པ་ཧཱུཾ། རོ་མ་དམར་མོ་ལྷ་རྫས་ཀྱི་ཞལ་ཟས་རོ་བརྒྱ་དང་ལྡན་པ་ཐོགས་པ། ཨོཾ་ཨ་བཛྲ་ར་ཨེ་ཧཱུཾ། རེག་མ་ལྗང་ཁུ་ཕྱག་གཡས་དང་པོ་ན། ལྷ་རྫས་ཀྱི་ན་བཟའ་སྣ་ཚོགས་པ་ཐོགས་པ། ཨོཾ་ཨ་
བཛྲ་པར་ཤེ་ཧཱུཾ། ཆོས་མ་དཀར་མོ་ཕྱག་གཡས་ཀྱི་དང་པོ་ན་ཆོས་འབྱུང་གི་ཕྱག་རྒྱ་མཛད་པ། ཨོཾ་ཨ་བཛྲ་དྷརྨེ་ཧཱུཾ། གཞན་ཡང་གཡས་པའི་ལྷ་མོ་བཞི་ཡིས། ཕྱག་གཡས་པ་ཌཱ་མ་རུ་འཁྲོལ་བ། གཡོན་པ་ཐོད་པའི་བདུད་
རྩི་ལྷ་ཚོགས་རྣམས་ལ་ཕུལ་བས་ལྗགས་རྡོ་རྗེའི་བུ་ལ་དྲངས་ཤིང་གསོལ་བས་མཉེས་ཤིང་ཚིམ་པར་ལྟའོ། །དེ་ནས་བླ་མ་ལ་སོགས་པ་སྙོམས་པར་ཞུགས་པས་དགའ་བ་གསུམ་གྱི་མཐར་ལྷན་ཅིག་སྐྱེས་པའི་ཡེ་ཤེས་
སྐུ་ཉམས་སུ་མྱོང་བས་མཆོད་ལ། རྐང་པ་བརྒྱད་པའི་སྟོད་(བསྟོད་)པ་ཡང་བྱའོ། །དེ་ནས་སྡིག་པ་མི་དགེ་སོ་སོར་གཤེགས། །སླད་ཆད་དཔྱོད་ཅིང་བསྡོམ་(སྡོམ་)པར་བགྱི། །དགེ་བ་ཀུན་ལ་རྗེས་ཡིད་རང་། །འགྲོ་ཀུན་བྱང་ཆུབ་འགོད་
པའི་ཕྱིར། །ཆོས་ཀྱི་འཁོར་ལོ་བསྐོར་བར་སྐུལ། །ཇི་སྲིད་འཁོར་བ་མ་སྟོངས་བར། །མྱ་ངན་མི་འདའ་བཞུགས་སུ་གསོལ། །བླ་མའི་སྡོམ་པའི་ལས་ཚོགས། །བྱང་ཆུབ་བར་དུ་བདག་སྐྱབས་མཆི། །འགྲོ་བའི་དོན་
1-11-6a

སེམས་བསྐྱེད་བགྱི། །ལམ་མཆོག་དམ་པ་རྒྱུད་ལ་རྟེན། །འགྲོ་ཕྱིར་སངས་རྒྱས་འགྲུབ་པར་ཤོག །ཞེས་(ཅེས་)དོན་དྲན་པར་བྱས་ལ་ཐ་མར་ཡི་གེ་བརྒྱ་པ་བརྗོད་པར་བྱ། པདྨ་སྐོར་བའི་ཕྱག་རྒྱ་གཡས་
དང་གཡོན་དུ་བྱས་ལ། མཐར་འཁྱུད་པའི་ཕྱག་རྒྱས་མཉེས་བར་བྱས་ཏེ་བླ་མའི་སྨིན་འཚམས་(མཚམས་)ནས་སྐོར། ལྷ་མོ་རྣམས་རང་ལ་སྐོར་བ་ལན་གསུམ་བྱས་ལ་ཐུགས་ཁར་བསྡུའོ། །དེ་ནི་ཡེ་ཤེས་ཀྱི་ཆོ་ག་རྗོད་པར་བྱ་སྟེ། རང་
གི་མགོར་ཧེ་མགྲིན་པར་རུ་སྙིང་གར་གང་བསམས་ཏེ། དེ་ནས་འོད་འཕྲོས། ཁམས་གསུམ་གྱི་སེམས་ཅན་ལ་ཕོག་པས་ལམ་རྣམ་ཐར་སྒོ་གསུམ་འབྲས་བུ་སྐུ་གསུམ་བག་ཆགས་བསད་(སད་)པར་བྱས་ཏེ། འོད་ཟེར་སླར་ལོག་ཡི་གེ་
གསུམ་ལ་ཐིམ་པས་དེའི་དོན་དྲན་པར་བྱས་ཏེ། ཧེ་ཆོས་ཐམས་ཅད་རྒྱུ་དང་བྲལ་བར་རུ་ཆོས་ཐམས་ཅད་རྟོག་པ་མེད་པ་ཀ་ཆོས་ཐམས་ཅད་གང་དུ་ཡང་མི་གནས་པའོ། །ཞེས་ངེས་བར་བཅད་ནས་ཆོས་འདི་ལྟར་མ་ཤེས་པས་སེམས་
ཅན་རྣམས་འཁོར་བར་ལྷུང་གྱུར་ན། དེ་བས་བདག་དཔལ་ཧེ་རུ་ཀར་གྱུར་ནས་སེམས་ཅན་གྱི་ཚུལ་འདི་ལྟར་གྱུར་ནས་བྱ་ཞིང་། ཆོས་ལ་དམིགས་པའི་སྙིང་རྗེ་སྐྱེད་དེ། ཨོཾ་སྭ་བྷ་ཝ་ཤུད་དྷ་སརྦ་དྷརྨ་སྭ་བྷ་ཝ་བི་ཤུད་དྷོ་ཧཾ། ཞེས་བརྗོད་
པས་བདག་དང་ཡི་གེ་གསུམ་ཡོངས་སུ་གྱུར་པ་ལས། འོག་ཏུ་ཨོཾ། དེའི་སྟེང་དུ་ཨཱ། དེའི་སྟེང་དུ་ཧཱུཾ་བསམས་ཏེ་དེ་ལས་འོད་ཟེར་འཕྲོས་པས། ས་གསུམ་སྣོད་བཅུད་དང་བཅས་པ་འོད་དུ་ཞུ་ནས། ཡི་གེ་གསུམ་པ་ལ་ཞུགས་པར་བྱའོ། །
1-11-6b

ཡི་གེ་གསུམ་པོ་ཡང་ཨོཾ་ཨཱ་ལ་ཨཱ་ཧཱུཾ་ལ་ཧཱུཾ་ཡང་ཞུ་ཞབས་དཀྱུ་(ཀྱུ་)ལ། ན་དའི་བར་དུ་བསྡུས་ལ། དེ་ཡང་འཆེད་(མཆེད་)གསུམ་ཁྱོག་པའི་སྐྲའི་རྩེ་མོ་བརྒྱར་བཤགས་(གཤགས་)པའི་ཆ་ཙམ་ལས། དམིགས་པའི་ཆོས་ཐམས་ཅད་
རྟེན་ཅིང་འབྲེལ་བར་འབྱུང་བ་སེམས་ཙམ་དུ་མོས་ལ། དེ་ལས་ཨོཾ་ཤུཎྱེ་ཛྙ་ན་བཛྲ་སྭ་བྷ་བ་ཨད་མ་ཀོ་ཧཾ། ཞེས་པའི་སྒྲ་བྱུང་བས་ན་དེ་ཇི་ཆུང་ཇི་འཕྲ་(ཕྲ་)ལ་ཡལ་ཏེ། ཤེས་བྱ་ཅིག་དང་དུ་མའི་སྤྲོས་པ་དང་བྲལ་བའི་སེམས་
ཙམ་གྱི་རྟོག་པ་ཡང་སྤངས་ཏེ་ཇི་སྲིད་གནས་པ་དེ་སྲིད་དུ་བྷཻ་བར་བྱའོ། །ཆོས་ཉིད་དེའི་ངང་ལས་སྔར་གྱི་ཚད་མེད་པའི་ཕན་པས་སེམས་ཅན་ཐམས་ཅད་ཀྱི་དོན་དུ་བདག་དཔལ་ཧེ་རུ་ཀ་རུ་བྱའོ། །སྙམ་པ་དང་བསྲུང་(སྲུང་)འཁོར་
གྱི་དབུས་སུ་ཨེ་ལས་ནམ་མཁའ་ཆོས་འབྱུང་ཟུར་གསུམ་པ་རྩ་བ་འཕྲ་(ཕྲ་)བ་ཟུར་གསུམ་པ་རྩ་བ་ལ་ཟུག་པ། སྟེང་ཁ་ཆེ་ཤོས་གྱེན་ལ་ཕྱོགས་པ་འོད་ཀྱི་ཁང་པ་ཕྱི་དཀར་ལ་ནང་དམར་བ། རྒྱ་ཉི་ཤུ་ཆེ་བར་བསམ་མོ། །དེའི་
ནང་དུ་ཡཾ་ལས་རླུང་གི་དལ་གཞུའི་དབྱིབས་ཅན་སྔོན་པོ་གཡོ་བའི་བ་དན་གྱིས་མཚན་པའོ། །དེའི་སྟེང་དུ་རཾ་ལས་མེའི་དལ་ཟུར་གསུམ་དམར་པོ་འབར་བས་མཚན་པ། དེའི་སྟེང་དུ་འབམ་ལས་ཆུའི་དལ་དཀར་པོ་བུམ་
པས་མཚན་པ་དེའི་སྟེང་དུ་ལཾ་སའི་དལ་གྲུ་བཞི་སེར་པོ་རྡོ་རྗེ་རྩེ་གསུམ་པས་མཚན་པ། དེའི་སྟེང་དུ་སུཾ་ལས་རི་རབ་རིན་པོ་ཆེ་རྣམ་པ་བཞི་ལས་གྲུབ་པ། གྲུ་བཞི་པ་བང་རིམ་བཞི་བཞི་དང་ལྡན་པ་བཅོ་བརྒྱད་ཀྱིས་ཉེ་བར་
1-11-7a

མཛེས་པ་གླིང་བཞི་ལ་སོགས་པས་སྐོར་བའོ། །དེའི་སྟེང་ཏུ་བྷྲུཾ་བདེ་བ་ཆེན་པོའི་རང་བཞིན་འོད་དུ་ཞུ་བ་ལས། རིན་པོ་ཆེ་སྣ་ཚོགས་ལས་གྲུབ་པའི་ཁང་པ་རྩེགས་(རྩེག་)མ་གྲུ་བཞི་སྒོ་བཞི་ཀ་བ་བརྒྱད་ཀྱིས་
རྟེགས་(བཏེག་)པའི་རྟ་བབས་བཞི་བཞིས་མཛེས་པ། བརྒྱན་གྱིས་(རྒྱན་གྱི་)བཀོད་པ་ཚད་མེད་པ་དང་ལྡན་པ་ཤར་སྔོ། བྱང་ལྗང་། ནུབ་དམར། ལྷོ་སེར། དེའི་ཕྱི་རོལ་དུ་དུར་ཁྲོད་ཆེན་པོ་བརྒྱད་ཀྱིས་ཡོངས་སུ་སྐོར་བའོ། །ཁང་པའི་དབུས་སུ་པཾ་ལས་
སྣ་ཚོགས་པདྨ་ཆུང་ངུ་འདབ་མ་བརྒྱད་པ་ཕྱོགས་བཞིའི་འདབ་མ་དམར་པོ་མེ་རླུང་སེར་པོ། བདེན་བྲལ་ནག་པོ། དབང་ལྡན་ལྗང་ཁུ། ཟེ་འབྲུ་སྣ་ཚོགས་དང་ལྡན་པའི་སྙིང་པོ་ཁྲུ་གང་པས་མཐོ་བར་ལྟའོ། །པདྨའི་ལྟེ་བ་ནག་པོའི་སྟེང་དུ།
ཨ་ལི་ཀ་ལི་དཀར་པོ་དང་དམར་པོ་གཡས་དང་གཡོན་དུ་འཁོར་འགྱུར་བ་ལས། ཟླ་བ་དང་ཉི་མའི་དབུས་སུ་ཧཱུཾ་བརྒྱད་ལ་ཆུ་ལྟ་བུ་དང་། ཨ་ལི་ཧྲི་ལྟ་བུ་འོད་ཟེར་ལྔ་འཕྲོ་བར་ལྟས་ལ། དེའི་འོད་ཟེར་གྱིས་ས་གསུམ་པོ་ཐམས་
ཅད་འདོད་གཞལ་མེད་ཁང་དུ། བཅུད་འཁོར་ལོ་སྡོམ་པ་དཔའ་བོ་དང་དཔའ་མོའི་བདག་ཉིད་དུ་གྱུར་པར་བྱས། རྡོ་རྗེ་ཧཱུཾ་གིས་མཚན་པ་དང་། གྲི་གུག་ཨཾ་གིས་མཚན་པ་བསམ་པར་བྱའོ། །དེ་ཉིད་ཡོངས་སུ་གྱུར་པ་ལས་རྒྱུའི་རྡོ་རྗེ་
འཆང་དཀར་པོ་ཞལ་བཞི་ཕྱག་བཅུ་གཉིས་རྩ་ཞལ་སྐུ་ལུས་དང་མཐུན་པ། གཡས་མཐིང་ཁ་གཡོན་དམར་པོ། རྒྱབ་གསེར་དུ་འབར་བ་ཞལ་རེ་རེ་ལ་སྤྱན་གསུམ་གསུམ་དང་ལྡན་པ་མཆེ་བ་བཞི་བཞི་ཅུང་ཟད་རྩིགས་(གཙིགས་)པ་ཞལ་རྣམ་
1-11-7b

བར་འགྱུར་བ་རོལ་པའི་ཐོར་ཅོག་དར་གྱི་ཅོད་པན་གྱིས་མཛེས་པ་ཐོད་པ་ལྔའི་ཐོད་ཅན། འཚོགས་(མཚོག་)མར་ཟླ་བ་ཕྱེད་པའི་སྟེང་དུ། སྣ་ཚོགས་རྡོ་རྗེའི་ནོར་བུས་བརྒྱན་པ། ཕྱག་དང་པོ་གཉིས་རྡོ་རྗེ་དང་དྲིལ་བུ་ཐོག་(ཐོགས་)ནས་ཡུམ་རྡོ་རྗེ་ཕག་མོ་
ལ་འཁྱུད་གཉིས་པ་གཉིས་ཀྱི་གླང་པོ་ཆེའི་ལྤགས་(པགས་)པ་བསྣམས་པ། གཡོན་གསུམ་པ་ན་རྡོ་རྗེས་མཚན་པའི་ཁ་ཏྲཾ་(ཊྭཱཾ་)ཀ་བཞི་པ་ན་ཐོད་ཁྲག་ལྔ་པ་ན་རྡོ་རྗེའི་ཞགས་པ་དྲུག་པ་ན་ཚངས་པའི་མགོ་བོ་གདོང་བཞི་པའོ། །གཡས་ཀྱི་
གསུམ་པ་ན་ཌཱ་མ་རུ་འཁྲོལ་བ། །བཞི་པ་ན་དགྲ་སྟ་ལྔ་པ་ན་གྲི་གུག །དྲུག་པ་ན་མདུང་རྩེ་གསུམ་པ་སྒྲེང་པའོ། །ཞབས་གཡས་རྐྱང་(བརྐྱང་)བས་འཇིགས་བྱེད་དང་དུས་མཚན་མནན་པའོ། །སྒེག་པ་དཔའ་བ་ལ་སོགས་པའི་གར་
དགུའི་ཉམས་དང་ལྡན་པའོ། །སྟག་གི་ལྤགས་(པགས་)པའི་ཤམ་ཐབས་ཅན་མི་མགོའི་(མགོ་)རློན་པ་ལྔ་བཅུའི་དོ་ཤལ་མགུལ་དུ་འཆང་བ། གདུ་བུ་དང་དཔུང་རྒྱན་དང་འགུར་(མགུར་)ཆུ་དང་། སྙན་ཆ་དང་དབུའི་འཁོར་ལོ་ནོར་བུ་མཆོད་ཕྱིར་ཐོག(ཐོགས།) སྐེ་
རག་(རགས་)འོག་བག་(པག་)དང་ཞབས་གདུབ་དང་། ཐལ་བ་དང་ཕྱག་རྒྱ་དྲུག་གིས་བརྒྱན་པའོ། །དེའི་མདུན་དུ་ཡུམ་རྡོ་རྗེ་ཕག་མོ་སྐུ་མདོག་དམར་མོ་ཞལ་ཅིག་ཕྱག་གཉིས་སྤྱན་གསུམ་མ་མཆེ་བ་རྩིགས་(གཙིགས་)པ་ཕྱག་གཡོན་ཡབ་ཀྱི་འགུལ་(མགུལ་)ནས་འཁྱུད་
ནས་ཐོད་ཁྲག་ཞལ་དུ་རྟོབ་(སྟོབ་)པའོ། །གཡས་རྡོ་རྗེ་གྲི་གུག་རྣམས་ནས་སྡང་བ་རྣམས་ལ་སྡིགས་མཛུབ་མཛད་པ། ཁྲག་ལ་དགྱེས་ཞིང་(ཤིང་)ཁྲག་འཛག་པ། སྒེག་ཅིང་ལང་ཚོ་རོལ་པ། བྱིན་པས་ཡབ་ལ་འཁྲིལ་བ། ནམ་མཁའི་
1-11-8a

གོས་ཅན་དབུ་སྐྲ་ན་བུན་བསིལ་བུར་གྲོལ་བ། མི་མགོ་སྐམ་པོ་ལྔ་བཅུའི་དོ་ཤལ་འགུལ་(མགུལ་)དུ་འཆང་བ། མིའི་རུས་པ་ལ་བྱས་པའི་ཕྱག་རྒྱ་ལྔའིས་(ལྔས་)བརྒྱན་པ། ཡུམ་དེ་ཡང་མཚན་བཟང་པོ་སུམ་ཅུ་རྩ་
གཉིས་དང་དཔེ་བྱད་བརྒྱད་ཅུས་བརྒྱན་པ། རོལ་པའི་ཁྲོ་བོ་འོད་ཟེར་རབ་ཏུ་འབར་བར་ལྟའོ། །དེ་ནས་ཡབ་ཡུམ་མཁའ་གསང་བྱིན་གྱིས་བརླབས་(རློབ་)བཞིན་པས་སྙོམས་པར་ཞུགས། དགའ་བ་གསུམ་གྱི་མཐར་མཆོག་དུ་(ཏུ་)མི་
འགྱུར་བའི་བདེ་བ་ལྷན་ཅིག་སྐྱེས་པའི་ཡེ་ཤེས་སྐུ་ཉམས་སུ་ལྟ་བ་དང་། དེར་ཐུགས་ཁའི་ཧཱུཾ་གི་འོད་ཟེར་དང་། རབ་ཏུ་དགའ་བ་སྒྱུ་མ་ལྟ་བུའི་སྒྲ་སིད་ཅེས་བྱ་བའི་སྒྲ་རང་བཞིན་གྱི་(གྱིས་)གྲུབ་པ་དང་། སྔར་སྙོམས་པར་མོས་པ་དེ་
རྣམས་སྤྱན་དྲངས་ལ། བདུན་གྱི་ནམ་མཁའི་རང་གི་སྟེང་དུ་འཁོད་ནས་སྙོམས་པར་ཞུགས་ཏེ། བདེ་བ་ཆེན་པོ་ངོ་བོར་ཞུ་བར་གྱུར་པའི་བདག་ཉིད་ཀྱི་ཁོ་ནས་ཞུགས། རྩ་ཨ་བ་དྷུ་ཏིའི་དབྱིབས་རྒྱུད་(བརྒྱུད།) །རྡོ་རྗེའི་ལམ་ནས་པདྨར་
བབས་ཏེ། ཡབ་ཡུམ་གཉིས་ཀའི་ལུས་ལ་ཁྱབ་པར་ལྟ་བར་བྱའོ། །བདག་ཉིད་ཡབ་ཡུམ་ཀྱང་བདེ་བའི་ངོ་བོར་འོད་དུ་ཞུ་བས་གོང་བུའི་རྣམ་པར་གྱུར་པ་ལས། ཕྱོགས་བཅུའི་སངས་རྒྱས་ཐམས་ཅད་ཀྱི་ཨོཾ་ཨཱ་མ་ཧཱ་
སུ་ཁང་བཛྲ་སྭ་ཏོ་ཛཱ་ཧཱུཾ་བཾ་ཧོ། སུར་ཏ་རྟོམ་ཊི་ཤ་ཧོ། ཞེས་པའི་གླུས་སྐུལ་བ་ལས། བཅོམ་ལྡན་འདས་ཤིན་ཏུ་རྣམ་པར་དག་པ་ཆོས་ཀྱིས་དབྱིངས་ཀྱི་རང་བཞིན་ཡེ་ཤེས་ཀྱི་སྐུ་མདོག་མཐིང་ཁ་བེ་དུ་རྱ་(བཻཌཱུརྱའི་)ཕུང་པོ་ལྟ་
1-11-8b

བུ་ཞལ་བཞི་ཕྱག་བཅུ་གཉིས་པ་རྩ་ཞལ་སྐུ་ལུས་དང་འཚུངས་(མཚུངས་)པ། གཡོན་ལྗང་བ་རྒྱབ་དམར་བ། གཡས་སེར་པོ་གཞན་སྔ་མ་བཞིན་དུ་སྦྱར་ཏེ། ཡབ་ཡུམ་གཉིས་ཀའི་སྤྱི་བོར་ཟླ་བ་ལ་ཨོཾ་མགྲིན་པ་དང་སྙིང་ཁར་ཉི་མ་ལ་
ཨ་དང་ཧཱུཾ་སྐྱེད་པའི་འཚམས་(མཚམས་)སུའོ། །མདོ་སུམ་ཨ་རླ་ཟུར་ལ་ཧའོ། །གསང་གནས་སྟོང་པའི་ངང་ལས་ཧཱུཾ་ལས་རྡོ་རྗེ་དཀར་པོ། ཨོཾ་ལས་ནོར་བུ་དམར་པོ། །ཕཊ་སེར་པོས་བུ་ག་བཀག་པའོ། །མཁའ་གསང་སྟོང་པའི་ངང་
ལས་ཨ་ལས་པདྨ་དམར་པོ། ཨོཾ་ལས་ཟེ་འབྲུ་དཀར་པོ། ཕཊ་སེར་པོས་བུ་ག་བཀག་པར་ལྟས་ལ། ཡབ་ཡུམ་སྙོམས་པར་ཞུགས་པས་དམ་པའི་བདེ་བ་ལྷན་ཅིག་སྐྱེས་པའི་ཡེ་ཤེས་སྐུ་ཉམས་སུ་ལྟ་དང་། སུ་ར་ཏ་སྒྱུ་མ་
ལྟ་བུའི་སྒྲ་འདི་ཞེས་བྱ་བ་དང་། སྙིང་ཁའི་ས་བོན་གྱི་འོད་ཟེར་གྱིས། ཕྱོགས་བཅུ་ནམ་མཁའི་མཐས་+པའི་+ཀླས་པའི་དེ་བཞིན་གཤེགས་པ་རྣམས་བཀུག་ནས་སྨིན་འཚམས་(མཚམས་)ནས་ཞུགས་ཏེ། ཐུགས་ཁར་ཕྱིན་པ་དང་།
ཡུམ་རྡོ་རྗེ་ཕག་མོ་སྐྱོད་སྐྱོད་པ་ལས་སོགས་པ་བྱས་པར་མོས་པས། དེ་བཞིན་གཤེགས་པ་རྣམས་རྗེས་ཆགས་བདེ་བའི་མེས་ཞུ། དྷུ་ཏིའི་དབྱིབས་རྡོ་རྗེ་ལམ་ནས་ཆོས་འབྱུང་དུ་སྤྲོས་པ་དང་། དེ་ཉིད་དུ་ལྷོ་(ལྷ་)དྲུག་བཅུ་(ཅུ་)རྩ་
གཉིས་དལ་གྱི་འཁོར་ལོ་དཔའ་བོ་དང་། རྣལ་འབྱོར་མ་ནས་འབྲུ་ཙམ་པ་སྐུ་ཆུང་ལ། ཡན་ལག་རགས་པ་སྤྲོ་བ་དང་བསྡུ་བའི་ལུས་ཅན་ཁང་པ་རྩེགས་(རྩེག་)མ་དུར་ཁྲོད་དང་བཅས་པ་སྐྱེད་ལ་སླར་ཐུགས་ཀར་དྲངས་ཏེ་དེ་ནས་ཁང་
1-11-9a

རྩེགས་དང་དུར་ཁྲོད་ཉིད་ལ་སྟིམ། དཔའ་བོ་རྣལ་འབྱོར་མ་རྣམས་ཕྱོགས་འཚམས་(མཚམས་)ཐམས་ཅད་དུ་སྐད་ཅིག་གིས་སྤྲོས་ལ་སྐྱེད་གཙོ་བོའི་ཡབ་ཡུམ་རང་ལ་ཐིམ་པར་བསམ་མོ། །དེ་ཡང་བདེ་ཆེན་འཁོར་ལོ་ལུགས་
ལས་ལོག་པར་མཁའ་འགྲོ་མ་ལ་མ་དུ་མ་སྐྱེས་མ་གཟུགས་ཅན་མ། ཕྱོགས་དང་མཐུན་པའི་ཁ་དོག་ཅན། ཞལ་ཅིག་ཕྱག་བཞི་སྤྱན་གསུམ་པ། མཆེ་བ་རྩིགས་(གཙིགས་)པ་ཕྱག་གཡོན་ཐོད་པ་དང་ཁ་ཏྲཾ་(ཊྭཱཾ་)ག །གཡས་གྲི་གུག་དང་ཌཱ་མ་རུ་
རོལ་པའི་ཁྲོ་མོ་སྒེག་ཅིང་ལང་ཚོ་རལ་བ། གཅེར་བུ་སྐྲ་གྲོལ་རྣམ་པར་མཛེས་མ། མི་མགོ་སྐམ་པོ་ལྔ་བཅུའི་དོ་ཤལ་དང་། མིའི་རུས་པ་ལ་བྱས་པའི་ཕྱག་རྒྱ་ལྔས་བརྒྱན་པ། ཡབ་ཀྱི་ཞལ་བཞི་ལ་ཆགས་པའི་ཚུལ་གྱིས་
གཟིགས་པ། ཕན་ཚུན་གྱི་པདྨ་འདབ་བཞིའི་ཉི་མའི་སྟེང་དུ་རོའི་གདན་ལ་གཡས་བརྐྱང་བའི་གོམས་པས་གཞེངས་(བཞེངས་)ནས་བཞུགས་པའོ། །འཚམས་(མཚམས་)ཀྱི་པདྨ་འདབ་བཞིའི་ཟླ་བའི་གདན་ལ་རིན་པོ་ཆེའི་བུམ་པའི་སྟེང་དུ། །་
ཆེན་དང་། རཀྟ་དང་། བྱང་སེམས་དང་། ཤ་ཆེན་བཞི་སྐང་(བཞིས་བཀང་)བའི་ཐོད་པ་བཞི། རིག་པའི་ངོ་བོར་ལྟའོ། །དེ་དག་ནི་སྣ་ཚོགས་རྡོ་རྗེས་ཡོངས་སུ་བསྐོར་བའོ། །དེ་བས་ཅུང་ཟད་སྨ་བར་འཁོར་ལོ་སྔོན་པོ་རྩིབས་བརྒྱད་པར། རྡོ་རྗེ་
སྔོན་པོའི་ཕྲེང་བས་ཡོངས་སུ་སྐོར་བའི་ཕྱོགས་ཀྱི་རྩིབས་སྟེངས་སུ་(སྟེང་དུ་)པུ་ལི་ར་མ་ན་ཡར་དཔའ་བོ་ཐོད་པའི་དུམ་བུ་ཅན་དང་། རྣལ་འབྱོར་མ་རབ་ཏུ་གཏུམ་མོ་བྱང་དུ་ཛཱ་ལན་དྷ་རར་ཀེང་རུས་ཆེན་པོ་དང་། གཏུམ་པའི་མིག་ཅན་
1-11-9b

མ་ནུབ་ཨོ་རྒྱན་ཀེང་རུས་དང་འོད་ལྡན་མ་ལྷོ། ཨར་བུ་ལྟར་མཆེ་བ་རྣམ་པར་རྩིགས་(གཙིགས་)པ་དང་། སྣ་ཆེན་མོ་མེའི་གྷ་ཏ་བ་རིར་ཆང་ཐུང་དང་དཔའ་བའི་བློ་གྲོས་མ་བདེན་བྲལ་བ་ར་མི་ཤོ་རར་(ར་མེཤྭར་)འོད་དཔག་མེད་དང་མི་ཐུང་མ་རླུང་གི་དྷི་བྷི་
ཀོ་ཏྲིར་རྡོ་རྗེ་འོད་དང་ལཾ་ཀའི་(ལངྐའི་)དབང་ཕྱུག་མ་དབང་ལྡན་གྱི་མ་ལ་བོར། རྡོ་རྗེ་ལུས་དང་ཤིང་གྲིབ་མ། །དེ་དག་ནི་ཐུགས་ཀྱི་འཁོར་ལོ་ཏེ་(སྟེ་)མཁའ་ལ་དཔྱོད་པའོ། །དེ་བས་ཅུང་ཟད་དམའ་བར་འཁོར་ལོ་དམར་པོ་རྩིབས་བརྒྱད་པ་པད་
མ་དམར་པོའི་ཕྲེང་བས་ཡོངས་སུ་སྐོར་བའི་ཤར་ཕྱོགས་ཀྱི་རྩིབས་སྟེང་ཀཱ་མ་རུ་པར་མྱུ་གུ་ཅན་དང་ས་བསྲུང་(སྲུང་)མ། བྱང་ཨོ་ཊེར་རྡོ་རྗེའི་རལ་པ་ཅན་དང་། །འཇིགས་བྱེད་ཆེན་མོ་ནུབ་ཊི་ཤ་ཀུ་ནིར་དཔའ་བོ་ཆེན་པོ་དང་། རླུང་གི་ཤུགས་
ཅན་མ་ལྷོ་ཀོ་ས་ལར་ཧེ་རུ་ཀ་དང་ཆང་ཐུང་མ་མེའི་ཀ་ལིང་ཀར་རབ་ཏུ་བཟང་པོ་དང་། སྔོ་སངས་ལྷ་མོ་བདེན་བྲལ་ཁཾ་རྡོ་རྗེ་བཟང་པོ་དང་ཤིན་ཏུ་བཟང་མོ་རླུང་གིས་སྐན་རྩིར་འཇིགས་བྱེད་ཆེན་པོ་དང་། རྟ་སྣ་མ་དབང་ལྡན་གྱི་ཧི་མཱ་
ལ་ཡར་མིག་མི་བཟང་དང་། མཁའ་འགྲོ་བྱ་གདོང་མ། དེ་དག་ནི་གསུང་གི་འཁོར་ལོར་ཏེ་(སྟེ་)ས་སྟེངས་(སྟེང་)ལ་སྤྱོད་པའོ། །དེའི་ཕྱིར་དེ་བས་ཅུང་ཟད་དམའ་བར་འཁོར་ལོ་དཀར་པོ་རྩིབས་བརྒྱད་པ། འཁོར་ལོ་དཀར་པོའི་འཕྲེང་བས་ཡོངས་སུ་
བསྐོར་བའི་ཤར་ཕྱོགས་ཀྱི་རྩིབས་སྟེངས་པྲེ་ཏ་པུ་རིར་སྟོབས་པོ་ཆེ་དང་འཁོར་ལོའི་ཤུགས་ཅན་མ་བྱང་གྷི་ཧ་དེ་བར་རིན་ཆེན་རྡོ་རྗེ་དང་དུམ་སྐྱེས་མ། ནུབ་སོོ་རཥྚར་རྟ་གྷྲིན་དང་ཆང་ཚོང་མ་ལྷོའི་སུ་བརྣ་དེ་བར་ནམ་མཁའི་སྙིང་པོ་དང་། 
1-11-10a

འཁོར་ལོའི་གོ་ཆ་མ་མེའི་ན་ག་རར་དཔལ་ཁྲག་འཐུང་དང་། རབ་རྟུད་དཔའ་མོ་བདེན་བྲལ་གྱི་སེན་དྷ་རར་པདྨ་གར་དང་དབང་དང་སྟོབས་ཆེན་མོ་རླུང་གིས་མ་རུ་རྣམ་པར་སྣང་བྱེད་དང་། འཁོར་ལོས་
སྒྱུར་མ་དབང་ལྡན་གྱི་ཀུ་ལུ་ལྟར་རྡོ་རྗེ་སེམས་དཔའ་དང་། བརྩོན་འགྲུས་ཆེན་མོ་དེ་དག་ནི་སྐུའི་འཁོར་ལོ་ཏེ་ས་འོག་ལ་སྤྱོད་པའོ། །དེ་ལྟར་འཁོར་ལོ་གསུམ་གྱི་དཔའ་བོ་དང་། རྣལ་འབྱོར་མ་རྣམས་ནི་ཞལ་ཅིག་ཕྱག་
བཞི་པ་དཔའ་བོ་རྣམས་ཀྱི་གཡས་ན། རྡོ་རྗེ་དང་པདྨ་དང་འཁོར་ལོ་དང་། གཡོན་དེ་དང་དེས་ཡུ་བ་བྱས་པའི་དྲིལ་བུ་རྣམས་ནས་རང་རང་གིས་ཤེས་རབ་མ་ལ་འཁྱུད་པ་འོག་མ་གཉིས་ཌཱ་མ་རུ་དང་ཁ་ཏྲཾ་(ཊྭཱཾ་)ག་བསྣམས་པའོ། །
དཔའ་མོ་རྣམས་ཀྱང་གྲི་གུག་དང་ཐོད་ཁྲག་བསྣམས་ནས་འཆར་ཞིང་འཁྱུད་པ། རོལ་པའི་ཁྲོའོ་(ཁྲོ་བོ་)ཁྲོ་མོ་སྒེག་ཅིང་ལང་ཚོ་རོལ་པ་དཀྱིལ་དཀྲུངས་(སྐྱིལ་ཀྲུང་)ཕྱེད་པའི་གར་གྱིས་བཞུགས་པའོ། །ཤར་ཕྱོགས་ལ་སོགས་པའི་སྒོ་རྣམས་
སུ་ལུགས་ལས་ལོག་པས་ཁྲ་གདོང་མ་འུག་གདོང་མ། ཁྱི་གདོང་མ་ཕག་གདོང་རྣམ་རྣམས་ཕྱོགས་ཀྱི་མདོག་ཅན་འཇིགས་པའི་ཆ་བྱད་ཅན་འཛིན་པའོ། །མེ་ལ་སོགས་ལུགས་ལས་འབྱུང་བས། གཤིན་རྗེ་སྲེག་མ། ཕོ་ཉ་
མོ། །འཆི་བ་མ་འཇོམས་པ་མོ་རྣམས་ཁ་བའི་མདོག་ལྟ་བུའི་མཆེད་གཟུགས་ཏེ་ཡིད་འཕྲོགས་པའི་གཟུགས་ཅན་ནོ། །དེ་དག་ཀྱང་ཞལ་ཅིག་ཕྱག་བཞི་མ་སྤྱན་གསུམ་པ་མཆེ་བ་རྩིགས་(གཙིགས་)པ། ཕྱག་གཡོན་པ་ཐོད་པ་ཁ་ཏྲཾ་(ཊྭཱཾ་)ཀ །
1-11-10b

གཡས་གྲི་གུག་དང་ཌཱ་མ་རུ་གཞན་སྔར་དང་འདྲ་སྟེ་དཔྲལ་བར་རྡོ་རྗེ་ཕྱེད་པས་བརྒྱན་པ་ཞབས་གཉིས་སྐྱང་(བརྐྱང་)སྐུམ་གྱི་ཉི་མ་དང་རོའི་གདན་ལ་གཞག་པའོ། །དེ་ནས་འབྲས་བུ་སྔོན་དུ་གྱུར་པའི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷ་དེ་
དང་དེར་སྣང་ཀྱང་། ལྷ་རེ་རེ་ཞིང་བྱང་ཆུབ་ཀྱི་ཕྱོགས་ཀྱི་ཆོས་སུམ་སུམ་ཅུ་རྩ་བདུན་ཡོངས་སུ་རྫོགས་པར་དག་པའི་གཟུགས་རབ་ཏུ་མི་གནས་པ་ལ་གོམས་པར་བྱའོ། །དེ་ནས་རྣམ་པར་དག་བའི་དཀྱིལ་འཁོར་ལུས་ལ་སྒོམ་
པ་ནི། མགོ་བོ་ལ་སོགས་པར་གཡོན་པའི་སྲིན་ལག་རེག་ལ། སུམ་ཛིང་ཨོཾ་ཨོཾ་གྷོོར་དྷེ་མཾ་གཾ་ཨོ་ཌི་ཀོ་ཀཾ་ལཾ་ཀ་ཧི་པྲི་གྷི་སོོ་སུ་ནཾ་སི་མཾ་སྐུཾ་ཞེས་རྗེས་སུ་ང་རོ་དང་བཅས་ནས་མགོ་བོ་ལ་སོགས་པའི་གནས་ཉི་ཤུ་རྩ་
བཞིར་བསམ་ནས། འོད་དུ་ཞུ་བ་ལས་འོད་ཀྱི་ཁང་པ་འཁོར་ལོའི་རྩིབས་བརྒྱད་གྱུར་པར་ལྟའོ། །དེ་ནས་སྙིང་ཁར་ཆུ་སྐྱེས་འདབ་བརྒྱད་ཀྱི་སྙིང་པོར། ཉི་མ་ལ་ཡུད་ཙམ་གྱི་རང་འདྲ་བའི་ཡེ་ཤེས་པ་སྐུ་རྩེ་སེར་བཞི་
པ་ཙམ་དང་། འདབ་མ་བརྒྱད་ལ་བདེ་ཆེན་གྱི་འཁོར་ལོ་སྐུ་ཐེ་(མཐེ་)བོང་ཙམ་པ་བསམ། དེའི་འོད་ཀྱིས་ལུས་ཐམས་ཅད་ལ་ཁྱབ་པ་དང་། མགོ་ལ་སོགས་པའི་འོད་གང་གིས་ནང་དུ། འཁོར་ལོ་གསུམ་གྱི་ལྷ་ཚོགས་སྐུ་ཐེ་(མཐེ་)
བོང་གིས་ཚད་ཙམ་སྐད་ཅིག་གི་སྐྱེད་པར་བྱའོ། །དེ་ནས་ཡང་མགོ་པུ་ལི་ར་ཡ་ན་ཡར། དཔྱི་རྩུག་(སྤྱི་གཙུག་)ཛ་ལན་དྷ་རར། སྣ་(རྣ་)བ་གཡས་པ་ཨུ་རྒྱན། །ལྟག་པ་ཨར་བུ་ལྟར་གནས་ས་རབ་ཏུ་དགའ་བ། སྣ་(རྣ་)བ་གཡོན་པ། གྷོ་ཏ་
1-11-11a

བ་རིར། སྨིན་འཚམས་(མཚམས་)རཾ་མི་ཤོ་(ར་མེ་ཤྭ་)རར་མིག་གཉིས་དྷེ་(དེ་)བི་ཀུ་ཊིར་ཕྲག་པ་གཉིས་མ་ལ་བིར། ཉེ་བའི་གནས་ས་དྲི་མ་མེད་པའོ། །དེ་རྣམས་ནི་ཐུགས་ཀྱི་འཁོར་ལོ་ཏེ་(སྟེ།) མཁའ་ལ་སྤྱོད་པ་རྣམ་པར་དག་པའོ། །
འཆན་(མཆན་)ཁུང་ཀ་མ་རུ་པར་ནུ་མ་ཨོཾ་ཊིར་ཞིང་དང་ས་འོད་བྱེད་པའོ་ལྟེ་བ་ཏྲི་ཤ་ཀུ་ནེར། སྣ་རྩེ་ཀོ་ས་ལར་ཉེ་བའི་ཞིང་། ས་འོད་འཕྲོ་བའོ། །ཁ་ག་ལིང་ཀར་མགྲིན་པ་ལ་པད་ཀར། མཚན་དྷོ་ཧ་དང་། ས་སྦྱང་དཀའོ། །སྙིང་ཁ་ཀན་
ཙིར། མཚན་རྩེ་ཧི་མཱ་ལ་ཡར། ཉེ་བའི་མཚན་དྷོ་(ཚནྡོ་)ཧ། ས་མངོན་དུ་གྱུར་པའོ། །དེ་རྣམས་ནི་གསུང་གི་འཁོར་ལོ་ཏེ་(སྟེ་)ས་སྟེངས་(སྟེང་)ལ་སྤྱོད་པ་རྣམ་པར་དག་པའོ། །མཚན་མ་པྲེ་ཏ་པུ་རིར། བཤང་ལམ་བྲོ་གྷི་བར་འདུ་བ་ཅན་
དང་། ས་རིང་དུ་སོང་བ། རླ་(བརླ་)གཉིས་སོའོ་ར་ཊར་བྱིན་པ་གཉིས་སུ་ཝརྣ་དེ་བར། ཉེ་བའི་འདུ་བ་ཅན། ས་མི་གཡོའ་བ་སོར་ན་ཀ་རར། བལ་གོང་སེ་དྷུ་རར། དུར་ཁྲོད་དང་ས་ལེགས་པའི་བློ་གྲོས། མཐེ་བོང་མེ་རུ་ཏར། པུས་མོ་
ཀུ་ལུ་ལྟར། ཉེ་བའི་དུར་ཁྲོད། ས་ཆོས་ཀྱི་སྤྲིན་ནོ། །དེ་རྣམས་ནི་སྐུའི་འཁོར་ལོ་ཏེ་(སྟེ)། ས་འོག་ལ་དཔྱོད་(སྤྱོད་)པ་རྣམ་པར་དག་པའོ། །ད་ལྟ་དེ་དང་དེར་སྒོམ་པ་ནི། དམ་ཚིག་གིས་དལ་སྦྱར་བའོ། །ཁ་ལ་ཁྭ་གདོང་མ། སྣའི་རྩེ་མོར་འུག་གདོང་མ་
རྟག་གི་(རྟགས་ཀྱི་)རྩེ་མོར་ཁྱི་གདོང་མ། བཤང་བའི་ལམ་དུ་ཕག་གདོང་མ། སྣ་(རྣ་)བ་གཡས་པར་བསེགས་མ། གཡོན་པར་ཕོ་ཉ་མོ། མིག་གཡས་པར་མཆེ་བ་ཅན་མ། གཡོན་དུ་འཇོམ་པ་མོ། ལྷ་ཚོགས་དེ་དག་ཐམས་ཅད་ཀྱང་གཙོ་བོ་ལ་གཟིགས་
1-11-11b

པའི་ཚུལ་དུ་ལྟས་(བལྟས་)ལ། ཐམས་ཅད་ལས་འོད་ཟེར་བྱུང་ནས་ལུས་ཐམས་ཅད་ལ་ཁྱབ་པར་བྱས་ཏེ། རླུང་རྟན་(བརྟན་)པས་བདེ་བ་ཅུང་ཟད་སྒོམ་པར་བྱའོ། །དེ་ལ་ཨོཾ་ཨ་ཧཱུཾ་སརྦ་བྷི་ར་ཡོ་གི་ནི་ཀ་ཡ་ཝ་ག་ཙིཏྟ་བཛྲ་སྭ་བྷ་ཝ་ཨད་མ་ཀོ་ཧཾ།
ཨོཾ་བཛྲ་ཤུད་དྷ། སརྦ་དྷརྨ་བཛྲ་ཤུད་དྷོ་ཧཾ། ཞེས་རྗོད་པས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་མི་འགྱུར་བའི་བདག་ཉིད་རང་ཉིད་ཡིན་ཉམས་པའི་ང་རྒྱལ་བྱའོ། །དེ་ནས་ཏིང་ངེ་འཛིན་མི་གནས་པའི་བགེགས་
བསྲུང་བའི་ཕྱིར། གོ་ཆ་གཉིས་བགོ་བར་བྱའོ། །དེ་ཡང་སྙིང་ཁར་ཟླ་བ་ཨ་ཧཾ་ལས་རྡོ་རྗེ་སེམས་དཔའ་ཞལ་གསུམ་ཕྱག་དྲུག་པ། སྤྱན་པ་མཆེ་བ་རྩིགས་(གཙིགས་)པ་རལ་པའི་ཐོར་རྩུག་(ཚུགས་)དར་གྱི་ཅོད་པན་གྱིས་མཛེས་པ། སྐུ་དང་རྩ་ཞལ་
དཀར་བ། གཡོན་སེར་བ། གཡས་དམར་བ། གཡོན་དྲིལ་བུ་ཐོད་པ་ཁ་ཏྲཾ་(ཊྭཱཾ་)ཀ །གཡས་རྡོ་རྗེ་ཌཱ་མ་རུ་ཚངས་པའི་མགོ་བོ་བསྣམས་པ། མགོ་བོ་ན་མ་ཧེ་སེར་པོ་ལས་རྣམ་པར་སྣང་མཛད། སྤྱི་རྩུག་(གཙུག་)ཏུ་སྭཧཱ་ཧཱུཾ་དམར་པོ་ལས་
པདྨ་གར་དབང་། ཕྲག་པ་གཉིས་ལ་པོ་ཥ་ཌ་ཧེ་མཐིང་ཁ་ལས་ཧེ་རུ་ཀ །མིག་གཉིས་ལ་ཧཱུཾ་ཧཱུཾ་ཕཊ་དམར་སེར་ལས་རྡོ་རྗེ་ཉི་མ་ཚིགས་ཐམས་ཅད་ལ་ཕཊ་ཧཱུཾ་ལས་དོན་ཡོད་གྲུབ་པ་ལྗང་ཁུ་སྟེ། དཔའ་བོ་ལྔ་པོ་དེ་དག་ཐམས་
ཀྱང་ཞལ་ཅིག་ཕྱག་བཞི་པ། གཡས་ཐམས་ཅད་འཁོར་ལོ་པདྨ་རྡོ་རྗེ་རིན་པོ་ཆེ་སྣ་ཚོགས་རྡོ་རྗེ་གཉིས་པ་ཐམས་ཅད་ཌཱ་མ་རུའོ། །གཡོན་དྲིལ་བུ་དང་ཐོད་པ་བསྣམས་པའོ། །སྐུ་ཐེ་(མཐེ་)བོང་གིས་ཚད་ཙམ་པ། གཡས་སྐྱང་(བརྐྱང་)
1-11-12a

བས་ཉི་མ་ལ་ཞུགས་པར་ལྟས་ལ། སླར་སྔགས་དེ་དང་དེས་བྱིན་གྱིས་རླབ་(བརླབ་)བོ། །ཡུམ་གྱི་ལྟེ་བར་ཨོཾ་བཾ་ལས་ཕག་མོ་ཞལ་གསུམ་ཕྱག་དྲུག་མ་སྤྱན་གསུམ་མ་མཆེ་བ་རྩིགས་(གཙིགས་)པ་སྐུ་དང་རྩ་ཞལ་
དམར་བ། གཡོན་ལྗང་བ། གཡས་སེར་བ། ཕྱག་གཡོན་ཐོད་པ་ཁ་ཊྭཾ་(ཊྭཱཾ་)ཞགས་པ་གཡས་གྲི་གུག་ཚངས་པའི་མགོའོ་ལྕགས་ཀྱུ་བསྣམས་པའོ། །སྙིང་ཁར་ཧཾ་ཡོཾ་སྔོན་མོ་ལས་གཤིན་རྗེ་མ། མགྲིན་པར་ཧྲིང་མོ་དཀར་
མོ་ལས་རྨོངས་བྱེད་མ། མཚོགས་མར་ཧྲིཾ་ཧྲིཾ། སེར་མོ་ལས་སྐྱོད་བྱེད་མ། སྤྱི་གཙུག་ཏུ་ཧཱུཾ་ཧཱུཾ་ལྗང་ཁུ་ལས་སྐྲག་བྱེད་མ། ཡན་ལག་ཐམས་ཅད་ལ་ཕཊ་ཕཊ་དུ་བའི་མདོག་ཅན་ལས་ཙཎྜི་ཀ་ཏེ(སྟེ།) དཔའ་མོ་ལྔ་པོ་དེ་དག་ཐམས་
ཅད་ཀྱང་ཞལ་ཅིག་ཕྱག་བཞི་མ། གཡོན་ཐོད་པ་དང་ཁ་ཏྲཾ་(ཊྭཱཾ་)ག །གཡས་གྲི་གུག་དང་ཌཱ་མ་རུ་བསྣམས་པའོ། །སྐུ་ཐེ་(མཐེ་)བོང་གིས་ཚད་ཙམ་པ་གཡས་རྐྱང་(བརྐྱང་)བས་ཉི་མ་ལ་བཞུགས་པས་ལྟས་(བལྟས་)ལ། སླར་སྔགས་དེ་དང་དེས་
བྱིན་གྱིས་བརླབ་བོ། །དེ་ནས་འཛུབ་(མཛུབ་)མོ་ལྕགས་ཀྱུ་ལྟར་སྦྲེལ་འདུད་བྱས་ལ། གུང་མོ་རྩེ་སྤྲད་ཐེ་(མཐེ་)བོང་རྡོ་རྗེ་རྙན་(བརྙན་)པོ་ལྟར་ཁ་བྱར་(སྦྱར་)བས་དཔྲལ་བའི་དབྱིངས་སུ་བཞག་ཏེ(སྟེ)། གཡས་དང་གཡོན་དུ་སྐོར་བས་མིག་གྱེན་དུ་ལྟས་(བལྟས་)ཏེ་
ཕ་ཞེས་བརྗོད་ཅིང་སྙིང་ཁའི་ཧཱུཾ་ལས་འོད་འཕྲོས་པས་རང་འདྲ་བའི་དཀྱིལ་འཁོར་གྱི་འཁོར་ལོ་ཆ་གཉིས་སྤྱན་དྲངས་ལ། པི་བང་(ཝང་)མ་ལ་སོགས་པའི་ཕྱི་ནང་གསང་བ་དེ་ཁོ་ན་ཉིད་ཀྱིས་མཆོད། ཛ་ཧཱུཾ་བཾ་ཧོ། དགུག་གཞུག་བྱེད་
1-11-12b

ཅིང་དབྱེར་མེད་དགྱེས་པར་སྐྱེད་པར་བྱའོ། །དེའི་རྗེས་སུ་ཀྱེེ་དེ་བཞིན་གཤེགས་པ་ཐམས་ཅད་ཀྱིས་རིག་པའི་དབང་སྐུར་དུ་གསོལ། ཞེས་གསོལ་བ་བཏབ་པས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་དགོངས་
པ་མཛད་ཅིང་། བཀྲ་ཤིས་ཀྱི་ཚིགས་སུ་བཅད་པ་རྗོད། ལྷའི་བུ་དང་བུ་མོ་རྣམས་ཀྱི་མེ་ཏོག་གི་ཆར་འབེབས། ཁྲོ་བོ་དང་ཁྲོ་མོ་རྣམས་ཀྱིས་བར་ཆད་སེལ། རིགས་ཀྱི་ཡུམ་རྣམས་ཀྱིས་ཐོད་པ་བདུད་རྩིས་གང་བ་ཅུང་ཟད་ཡོ་བ་
དང་བཅས་པས། ཇི་ལྟར་ལྟམ་(བལྟམས་)པ་ཙམ་གྱི་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷའི་(ཡི་)ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་བྱ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ཡེ་ཤྲེ་ཡེ་ཧཱུཾ། ཞེས་
གསུང་ཞིང་དབང་བསྐུར་བས། ཤེས་བྱའི་སྒྲིབ་པ་བག་ལ་ཉལ་དང་བཅས་པ་དག་ནས། ལུས་དགའ་བདེ་ཡེ་ཤེས་ཀྱི་བདུད་རྩིས་གང་ནས་བདེ་བ་ཆེན་པོའི་རང་བཞིན་དུ་བསམ་པར་བྱའོ། །ཆུ་ལྷག་མ་ལས་གཙོའོ་ལས་
མི་སྐྱོད་(བསྐྱོད་)པ། ཡུམ་ལ་རྣམ་སྣང་བདེ་ཆེན་ལ་རིན་འབྱུང་། ཐུགས་ལ་མི་སྐྱོད་(བསྐྱོད་)པ། གསུང་ལ་སྣང་མཐའ་སྐུ་ལ་རྣམ་སྣང་། དམ་ཚིག་ལ་དོན་ཡོད་གྲུབ་པ། སྤྲུལ་སྐུའི་ཆ་བྱད་ཅན་གྱིས་དབུ་རྒྱན་(བརྒྱན་)པར་བྱའོ། །དེ་ནས་སྐུ་གསུང་
ཐུགས་བརྟན་པར་བྱ་བའི་ཕྱིར། གནས་གསུམ་དུ་ཨོཾ་ཨཱ་ཧཱུཾ་གསུམ་བསམ་ལ། དེ་ལས་འོད་ཟེར་འཕྲོས་ཏེ་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་སྐུལ་ནས་ཁམས་གསུམ་དུག་གསུམ་སྦྱངས་ནས་
1-11-13a

སླར་དེ་དག་གི་ཡོན་ཏན་ཐམས་ཅད་ཡི་གེ་གསུམ་གྱི་ཚུལ་དུ་གནས་གསུམ་ལ་བཅུག་པས་ཡི་གེ་གསུམ་འོད་དུ་ཞུ་ནས། རྣམ་སྣང་མཐའ་ཡས་མི་སྐྱོད་(བསྐྱོད་)པ་ཡུམ་དང་བཅས་པར་བསམས་ལ། དེའི་འོད་ཀྱིས་ལུས་
ཐམས་ཅད་ཁྱབ་པས་བདེ་བའི་རང་བཞིན་དུ་གྱུར་པར་ལྟས་ལ། རླུང་ཅུང་ཟད་བརྟན་པས་སྒོམ་པར་བྱའོ། །དེ་ནས་བདེ་སྟོང་དབྱེར་མེད་པར་རྟོགས་པར་བྱ་བའི་ཕྱིར། མཆོད་པ་བརྟན་པ་ན། པི་ཝང་མ་ལ་སོགས་པ་ཕྱི་ནང་གི་གསང་
བའི་ལྷ་མོ་བཞི་པོས་རང་རང་གིས་སྔགས་བརྗོད་པས། མཆོད་པར་བསམ་ལ་དེ་ནས་རང་གིས་རྡོ་རྗེ་སྟོང་པའི་ངང་ལས་ཧཱུཾ་སྙིང་ཀར་ཟླ་བ་ལ་ཡུམ་གྱི་སྙིང་པོ་དང་ཉེ་སྙིང་། ལྐོག་མ་དང་སྤྱི་བོར་ཉི་མ་ལ་རང་གིས་སྙིང་པོ་དང་
ཉེ་སྙིང་ངོ་། །ཡུམ་གྱིས་དེ་ལས་ལྡོག་པ་ཏེ་(སྟེ)། སྔགས་དེ་དག་ཀྱང་ཁ་དོག་དམར་པོ་འོད་འཕྲེང་བ་དུ་མས་འཁྲིག་(འཁྲིགས་)པས། ཡབ་ཡུམ་གཉིས་ཀའི་ལུས་ཇི་ལྟར་འཁོར་བར་བསམས་ལ། ཨ་ལི་རྩམ་བྷི་ནི་བྱས་པས་དགའ་བའི་
མཆོད་པ་རྩམ་(བརྩམ་)པར་བྱའོ། །ཕྱི་རོལ་དུ་ཡང་དག་པའི་བཟང་པོ་དེ་ཉིད། དེ་ལས་བླ་མ་དམ་པའི་མན་ངག་གིས། ལྷན་ཅིག་སྐྱེས་པའི་དགའ་བའི་ཡེ་ཤེས་སྐྱེད་པར་བྱས་ལ་སྒོམ་པར་བྱའོ། །དེ་ལ་ཕྱི་ནང་གི་ལྷ་མོ་རྣམས་ཀྱིས།
ཨོཾ་ན་མ་བྷ་ག་ཝ་ཏེ་ཨཾ་ཝ་རི་ཤྭ་རཾ་ཧཱུཾ་ཧཱུཾ་ཕཊ། ཨོཾ་མཧཱ་ཀལྤ་གྷི་སཾ་བྷ་ཡ་ཧཱུཾ་ཧཱུཾ་ཕཊ། ཨོཾ་ཛཱ་ཌ་མ་སྐུ་ཌ་རྐོ་ཊ་ཡཱ་ཧཱུཾ་ཧཱུཾ་ཕཊ། ཨོཾ་ཌཥྚ་ཀ་ར་ལོ་ཏྲ་བྷི་ཥ་ཎ་མུ་ཁ་ཡ་ཧཱུཾ་ཧཱུཾ་ཕཊ། ཨོཾ་ས་ཧ་ས་བྷུ་ཛ་བྷ་སུ་ར་ཡ་ཧཱུཾ་ཧཱུཾ་ཕཊ། 
1-11-13b

ཨོཾ་པ་རི་ཤུད་དྷ། ཤོརྱ་ཏ་ཤུ་ལ་ཁ་ཊཱཾ་ཁཱ་དྷ་རི་ནི་ཧཱུཾ་ཧཱུཾ་ཕཊ། ཨོཾ་བྷྱ་གྲ་ཛི་ན་མ་ར་ཡ་ས་ར་ཡ་ཧཱུཾ་ཧཱུཾ་ཕཊ། ཨོཾ་མ་ཧ་དྷུ་ནི་མྠ་ན་ཀ་ར་ཝཥ་ཡ་ཧཱུཾ་ཧཱུཾ་ཕཊ། ཡབ་ཨ་ན་མ་བྷ་ག་ཝ་ཏེ་བཛྲ་བྷར་ཧི་བེ་ཧཱུཾཧཱུཾ་ཕཊ།
ཨོཾ་ན་མོ་ཨདྱ་ཨ་པ་ར་རྩི་ཏེ་ཀྲེ་ལོ་སྐྱ་མ་ཏེ་མ་ཧ་བིརྱ་ཤ་རི་ཧཱུཾ་ཧཱུཾ་ཕཊ། ཨོཾ་ན་མོ་སརྦ་བྷུ་དྷ་བྷ་ཡ་བ་ཧེ་མ་ཧ་བཛྲ་ཧཱུཾ་ཧཱུཾ་ཕཊ། ཨོཾ་ན་མོ་བཛྲ་ཨ་ས་ན་ཨ་ཛཱི་ཏེ་པ་ཤཾ་ཀ་ཏྲི་ནེ་ཏྲ་བྷ་མ་ནི་ཧཱུཾ་ཧཱུཾ་ཕཊ། ཨོཾ་ན་མོ་བྷ་ཤ་ཥོ་
ཥྚི་རོ་ཥ་ནི་ཀྲོ་ཏ་ཀ་རུ་ལོ་ནི་ཧཱུཾ་ཧཱུཾ་ཕཊ། ཨོཾ་ན་མོ་ཏྲ་ས་ནི་མ་ར་ནེ་སུ་པྲ་བྷེ་ཏ་ནི་ཨ་པ་ར་ཛཱ་ཡ་ཧཱུཾ་ཧཱུཾ་ཕཊ། ཨོཾ་ན་མོ་ཛཱ་ཡེ་བྷི་ཛཱ་ཡེ་ཛམྦྷ་ནིརྟཾ་པ་ནི་མོ་ཧ་ནི་ཧཱུཾ་ཧཱུཾ་ཕཊ། ཨོཾ་བཛྲ་བྷ་ར་ཧི་པཱཾ་མ་ཧ་ཡོ་གི་ནི་ཀ་ལོ་ཤ་རི་ཁ་གྷེ་
ཧཱུཾ་ཧཱུཾ་ཕཊ། ཡུམ་ཞེས་པ་བསྟོད་པར་བསམ་པ་ནི་ཐུན་མོང་གིའོ། །ཨོཾ་བཛྲ་ཤྲཱི་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནི་ཛྭ་ལ་སཾ་བྷ་ར་སྭཱ་ཧཱ། ཨོཾ་ཧྲི་ཧ་ཧ་ཧཱུཾ་ཧཱུཾ་ཕཊ། ཨོཾ་སརྦ་བུདྡྷ་ཌཱ་ཀི་ནི་ཡེ་བཛྲ་ཝརྣ་ནི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་
བྷེ་རོ་ཙ་ནི་ཡེ་ཧཱུཾ་ཧཱུཾ་ཕཊ། ཨོཾ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ། ཨོཾ་ལ་མ་ཡེ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧཾ་ཡེ་ཧཱུཾ་ཧཱུཾ་ཕཊ། ཨོཾ་རུ་བི་ནི་ཡེ་ཧཱུཾ་ཧཱུཾ་ཕཊ། ཨོཾ་སརྦ་བྷོ་དྷི་ཙི་ཏ་ཧཱུཾ་ཧཱུཾ་ཕཊ། ཨོཾ་ཀ་ར་ཀ་ར་ཁཎྚ་ཀ་པ་ལ་པྲ་ཙཎྜེ་ཧཱུཾ་ཧཱུཾ་ཕཊ། ཨོཾ་ཀུ་རུ་ཀུ་
རུ་མ་ཧཱ་ཀཾ་པ་ལ་ཙཎྜ་ཀྵི་ཡེ་ཧཱུཾ་ཧཱུཾ་ཕཊ། ཨོཾ་བྷན་དྷ་བྷན་དྷ་ཀཾ་ཀ་ལ་པྲ་བྷ་བྷི་ཏ་ཡེ་ཧཱུཾ་ཧཱུཾ་ཕཊ། ཨོཾ་ཏྲ་ས་ཡ་ཏྲ་ས་ཡ་བི་ཀ་ཊ་དཾཥྚི་ནི་མཧཱ་ན་སེ་ཡེ་ཧཱུཾ་ཧཱུཾ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ། སུ་རི་བ་ར་ན་བཱི་ར་མ་ཏི་ཡེ་ཧཱུཾ་ཧཱུཾ་ཕཊ། 
1-11-14a

ཨོཾ་ཧྲོཾ་ཧྲོཾ་ཨ་མི་ཏ་ཁ་བ་རི་ཡེ་ཧཱུཾ་ཧཱུཾ་ཕཊ། ཨོཾ་ཧྲཾ་ཧྲཾ་བཛྲ་པྲ་བྷ་ཝ་ལཾ་ཀ་ཤོ་རི་ཡེ་ཧཱུཾ་ཧཱུཾ་ཕཊ། ཨོཾ་ཕེཾ་ཕེཾ་བཛྲ་དེ་ཧ་བདྲུད་མ་ཚ་ཡེ་ཧཱུཾ་ཧཱུཾ་ཕཊ། ཨོཾ་ཕཊ་ཕཊ་ཨཾ་ཀུ་རི་ཀ་ཨེ་ར་བཱ་ཏི་ཡེ་ཧཱུཾ་ཧཱུཾ་ཕཊ། ཨོཾ་ད་ཧ་ད་ཧ་བཛྲ་
ཛཱ་ཏི་ལ་མ་ཧཱ་བྷེ་ར་བྷ་ཡེ་ཧཱུཾ་ཧཱུཾ་ཕཊ། ཨོཾ་པ་ཙ་པ་ཙ་མཧཱ་བི་ར་བ་ཡུ་བྷེ་གེ་ཡོ་ཧཱུཾ་ཧཱུཾ་ཕཊ། ཨོཾ་བྷཀྵ་བྷཀྵ་བ་སུ་དྷུ་དྷིར་ན་མ་ལཾ་བྷ་ལཾ་བཱ་ནཱི་བཛྲ་ཧཱུཾ་ཀ་ར་སུ་ར་བྷ་ཀྵི་ནི་ཡེ་ཧཱུཾ་ཧཱུཾ་ཕཊ། ཨོཾ་གྷྲིཧྣ་གྷྲིཧྣ་ས་པ་ཏ་ས་པ་ཏ་ལ་ག་ཏ་པུ་ཛཱི་ག་
སརྦ་པ་ཏརྫ་ཡ་སྭ་བྷ་བྷ་ཏྲ་ཤྱེ་མེ་དེ་བྷི་ཡེ་ཧཱུཾ་ཧཱུཾ་ཕཊ། ཨོཾ་ཨ་གདྷ་ཨ་གདྷ་བཛྲ་བྷ་ཏྲ་སྭ་བྷ་ཏྲ་ཡེ་ཧཱུཾ་ཧཱུཾ་ཕཊ། ཨོཾ་ཧྲིཾ་ཧྲིཾ་པ་ཧ་བྷེ་ར་པཱ་ཧ་ཡ་ཀརྣེ་ཧཱུཾ་ཧཱུཾ་ཕཊ། ཨོཾ་ཛྙ་ཛྙ་ས་བྷ་སུ་བ་ཀྵ་ཁ་ཀ་ནི་ན་ཧཱུཾ་ཧཱུཾ་ཕཊ། ཨོཾ་ཀྵཾ་ཀྵཾ་མ་ཧཱ་བ་ལ་ཙཀྲ་བང་
གེ་ཧཱུཾ་ཧཱུཾ་ཕཊ། ཨོཾ་ཧྲི་ཧྲི་རཏྣ་བཛྲ་ཁཎྜ་རོ་ཧཱི་ཧཱུཾ་ཧཱུཾ་ཕཊ། ཨོཾ་ཧིཾ་ཧིཾ་ཧྱ་གྷྲི་བ་ཥོ་ཏྲི་ནི་ཡེ་ཧཱུཾ་ཧཱུཾ་ཕཊ། ཨོཾ་ཧཱུཾ་ཧཱུཾ་ཨ་ཀར་ཤ་གརྦྷ། ཙཀྲ་སརྦ་ཡེ་ཧཱུཾ་ཧཱུཾ་ཕཊ། ཨོཾ་ཀི་ལི་ཤ་ཀི་ལི་ཤྲི་ཧེ་རུ་ཀ །སུ་བྷི་རི་ཧཱུཾ་ཧཱུཾ་ཕཊ། ཨོཾ་མ་མ་སི་ལི་སི་ལི་པདྨ་ནིར་
ཏི་ཤོར་མཧཱ་བྷ་ལེ་ཧཱུཾ་ཧཱུཾ་ཕཊ། ཨོཾ་ཧི་ལི་ཧི་ལི་བྷེེ་རོ་ཙ་ན་ཙཀྲ་ཝར་ཏི་ནི་ཡེ་ཧཱུཾ་ཧཱུཾ་ཕཊ། ཨོཾ་དྷི་ལི་དྷི་ལི་ཥི་ཧེ་རུ་ཀ་མཧཱ་བིརྱ་ཡེ་ཧཱུཾ་ཧཱུཾ་ཕཊ། ཨོཾ་ཀ་ཀྲ་སྱེེ་ཧཱུཾ་ཧཱུཾ་ཕཊ། ཨོཾ་ཧཱུ་ལུ་ཀ་སྱེེ་ཧཱུཾ་ཧཱུཾ་ཕཊ་ཨོཾ་ཤོ་ན་ཀ་སྱེེ་ཧཱུཾ་ཧཱུཾ་ཕཊ། ཨོཾ་ཤུ་ཀ་
རེ་སྱེེ་ཧཱུཾ་ཧཱུཾ་ཕཊ། ཨོཾ་ཡ་མ་དཾཥྚི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དྷུ་ཏི་ནི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾཥྚི་ནི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་མ་ཐ་ནི་ཡེ་ཧཱུཾ་ཧཱུཾ་ཕཊ། ཞེས་(ཅེས་)པས་ལྷ་སོ་སོའི་སྔགས་ཀྱི་བསྟོད་པ་ནི་ཐུན་མོངས་(མོང་)མ་ཡིན་པའོ། །
1-11-14b

དེ་ནས་དམ་ཚིག་སེམས་དཔའི་ཐུགས་ཁར་པདྨ་དང་ཟླ་བ་ལ་དེ་དང་འདྲ་བའི་ཡེ་ཤེས་སེམས་དཔའ་དེའི་ཐུགས་ཁར་པདྨ་དང་ཟླ་བ་ལ་ཧཱུཾ་ཡིག་ཏིང་ངེ་འཛིན་སེམས་དཔའ་དེའི་ཐིག་ལེ་ལས་སངས་རྒྱས་ཀྱི་ཚོགས་ཀྱི་འོད་ཟེར་ལ་
གནས་པའི་ཚོགས་ཤིན་ཏུ་འཕྲ་(ཕྲ་)བའི་བདེ་མཆོག་གིས་དལ་གྱི་འཁོར་ལོའི་རྣམ་པར་སྒོམ་པར་བྱའོ། །དེ་ལས་འོད་ཟེར་རྣམ་པར་འཕྲོས་ཏེ་སྣོད་བཅུད་ཐམས་ཅད་དལ་དུ་བྱས་ན་སླར་དེ་ཉིད་ལ་རབ་ཏུ་བཅུག་ནས། འཕྲ་(ཕྲ་)བའི་
མཚན་མ་འོད་ཟེར་དང་བཅས་པའི་དལ་གྱིས་འཁོར་ལོ་ལ་རིམ་པ་ཇི་ལྟ་བ་བཞིན་དུ་རྟག་སྔོན་གསུམ་(རྟགས་མངོན་སུམ་)དུ་མ་ཐོན་གྱི་བར་ལ་སྒོམ་པར་བྱའོ། །དེ་རྟེན་པ་དང་འོག་སྒོའི་སྣ་རྩེའི་ཐིག་ལེ་ཉུང་(ཡུངས་)འབྲུ་ཙམ་པ་གཅིག་ལ། ཏིང་ངེ་འཛིན་སེམས་
དཔའི་དལ་དང་བཅས་པ་གསལ་བར་དམིགས་ཏེ་རྡོ་རྗེའི་བཟླས་པ་བྱའོ། །ཡང་ན་སྨིན་འཚམས་(མཚམས་)ཀྱི་ཐིག་ལེ་ཤིན་ཏུ་འཕྲ་(ཕྲ་)བའི་ནང་དུ་གཟུགས་བརྙན་ལྟར་བསམ་པར་བྱའོ། །དེ་ལྟ་བུའི་སྦྱོར་བ་དེ་ལ་སྐྱོ་བར་གྱུར་ན། ཐུན་མོངས་
ཀྱི་(མོང་གི་)དངོས་གྲུབ་མྱུར་མྱུར་བར་བྱ་བའི་ཕྱིར་བཟླས་པ་བྱས་ཏེ། དེ་ཁོ་ན་ཉིད་ལས་བཟླས་རྗོད་(བརྗོད་)ཀྱི་སྔགས་འོད་ཟེར་དང་བཅས་པས། ཐུགས་ཁའི་ཧཱུཾ་ལས་རྡོ་རྗེའི་ལམ་ནས་ཡུམ་གྱི་པདྨར། ཡུམ་གྱི་ཞལ་རང་གི་ཞལ་དུ་རྒྱུད་སྟེ(བརྒྱུད་དེ)། ཨོཾ་
གྱི་ཐུགས་ཁའི་ཧཱུཾ་གིས་ཐིག་ལེའི་ཐུགས་དང་། སྭཱ་ཧཱ་ཕཊ་ཀྱི་ཞབས་ཀྱུ་ནས་འདོན་པའི་འཁོར་བ་ལ་དམིགས་ནས་བཟླས་པ་ནི་ཕྲེང་བ་ལྟ་བུའི་བཟླས་པའོ། །འབྱུང་བ་དང་འཇུག་པ་དང་གནས་པ་གསུམ་ལས་ཡི་གེ་འབྲུ་གསུམ་ཁ་དོག་
1-11-15a

དང་བཅས་པ། རྣམ་རྟོག་གཞན་འབྲེལ་བའི་སྐྱོན་སྤངས་པའི་བཟླས་པ་ནི་སེམས་ནི་དབེན་ནོ། །ནོར་བུའི་རྩེ་མོར་ཐིག་ལེའི་ཚུལ་བར་རྣམ་པར་སྒོམས་ནས་རྟོག་པ་མེད་པའི་སེམས་ཀྱིས་ལྷན་ཅིག་སྐྱེས་པའི་
དགའ་བའི་ཚུལ་དུ་ཉམས་སུ་མྱོང་ནས་འགྲོ་འོང་དང་རྣམ་པར་བྲལ་ནས། གཟུང་འཛིན་སྤོང་བར་གནས་པ་ནི་གསང་བ་འགོག་པའི་བཟླས་པའོ། །དེ་ལ་དུབ་པར་གྱུར་ན་རང་གི་སྣ་བུག་གཡས་པ་ནས། ཨ་ལི་དང་ཀ་ལི་འོད་ཟེར་ལྔ་དང་
ལྡན་པ་དང་། འཁོར་ལོ་གསུམ་གྱི་དཔའ་བོ་དང་རྣལ་འབྱོར་མའི་ཚོགས་སྤྲོས་ཏེ། ས་གསུམ་པོ་ཐམས་ཅད་འཁོར་ལོ་གསུམ་གྱི་རང་བཞིན་དུ་བྱས་ཏེ། ཐོག་མ་མེད་པ་ནས་གྲུབ་པའི་དཔའ་བོ་དང་རྣལ་འབྱོར་མའི་ཚོགས་རྣམས་དང་རོ་
སྙམ་པར་སྣ་བུག་གཡོན་ནས་ཞུགས་ནས་ལྟེ་བའི་ཐད་དུ་ཕྱིན་པ་དང་། ཨ་ལི་ཀ་ལི་ལས་ཟླ་བ་ལས་དམར་མདངས་ཆགས་པས་དཔའ་བོ་དང་རྣལ་འབྱོར་མའི་ཚོགས་ལས་ཧཱུཾ་དཀར་ལ་དམར་བའི་མདངས་ཆགས་པར་ལྟའོ། །
དེ་ཉིད་ཡོངས་སུ་གྱུར་པ་ལས་བཅོམ་ལྡན་འདས་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས། ཕག་མོ་དམར་མོ་རྡོ་རྗེ་དང་ཐོད་པ་འཛིན་པ་ལ་འཁྱུད་པ། སྐུ་ཐེ་(མཐེ་)བོང་གི་ཚད་ཙམ་ནམ་མཁའི་རི་མོར་ལྟས་(བལྟས་)ལ། དེ་ཨ་ལི་དང་ཙུམ་
བྷི་ནི་ནས་རྩ་བསྲུབ་སྦྱོར་བྱས་པས་ལྷན་ཅིག་སྐྱེས་པའི་ཡེ་ཤེས་དམ་པའི་བདེ་བ་ཉམས་སུ་མྱོང་བ་དང་། དགའ་བ་སྒྱུ་མ་ལྟ་བུ་ཤིན་ཏུ་རྣམ་པར་དག་པའི་སྒྲས་དམ་ཚིག་སེམས་དཔའ་གཙོ་བོ་ཡབ་ཡུམ་ནས་རྩམས་ཏེ་དལ་
1-11-15b

དུར་ཁྲོད་དང་བཅས་པ་ཐམས་ཅད་སྐུལ་ནས། བདེ་ཆེན་པ་ཆེན་པོའི་རང་བཞིན་དུ་གྱུར་ནས། དུར་ཁྲོད་ནས་རིམ་གྱིས་ལྟེ་བའི་འཁོར་ལོ་སྡོམ་པ་ལ་ཐིམ་པར་ལྟའོ། །དེ་དག་ཀྱང་ལྷན་ཅིག་སྐྱེས་པའི་ཡེ་ཤེས་བདེ་བ་ཆེན་
པོའི་རང་བཞིན། ཐིག་ལེ་དཀར་དམར་དུ་མཁའ་གསང་གི་རྩེ་མོར་ཞུ་བར་ལྟའོ། །དེ་ཉིད་ཡོངས་སུ་གྱུར་པ་ལས་ཟླ་བ་ལ་ཧཱུཾ་དཀར་ལ་དམར་བའི་མདངས་ཆགས་པ་བདེ་བ་ཆེན་པོའི་རང་བཞིན་དུ་བསམ་མོ། །དེ་ཡང་ཟླས་པ་
ཧཱུཾ་ལ་བསྡུ་ཞིང་། ཧཱུཾ་ཡང་ཞབས་ཀྱུ་ནས་རིམ་བཞིན་ན་དའི་བར་དུ་བསྡུས་ལ། ན་ད་བདེ་བ་ཆེན་པོའི་ངོ་བོར་དམྱིགས་པར་བྱའོ། །དེ་ཡང་ཇེ་ཆུང་དང་ཇེ་ཕྲ་ལ་ཡལ་ཏེ། རྟེན་དང་དམིགས་པ་དང་བཅས་པ་ཐམས་ཅད་དང་། ཟག་
བཅས་རྟེན་དང་དམྱིགས་པ་ཐམས་ཅད་དང་བྲལ་བའི་མཚོན་དུ་མེད་ཅིང་བསམ་གྱིས་མི་ཁྱབ་པ་ལ་སྙམ་པར་གཞག་(བཞག་)པར་བྱའོ། །དེ་ལྟར་བདེ་སྟོང་རྣམ་པར་མི་རྟོག་པའི་ཡེ་ཤེས་མ་རྙེད་ཀྱི་བར་དུ་རྩལ། དེ་ལ་སྐྱོ་བར་གྱུར་
པ་དང་ན་ད་ལས་ཧཱུཾ་དུ་ལྟས་ལ་དེ་ལས་སྐད་ཅིག་གིས་སྔར་བཞིན་པའི་དལ་དུ་ལྡང་བར་བྱའོ། །ཐུན་འཚམས་(མཚམས་)སུ་གཏོར་མ་སྦྱིན་པའི་ཆོ་ག་ནི། ཟས་ལ་སོགས་པ་མདུན་དུ་བཞག་ཏེ་(སྟེ་)སྭ་བྷ་ཝས་དག་པར་བྱས་ཏེ། ཡཾ་ལས་རླུང་གི་
དལ་གཞུའི་དབྱིབས་ཅན། གཡོ་བའི་བ་དན་གྱིས་མཚན་པ་རཾ་ལས་མེའི་དལ་ཟུར་གསུམ་འབར་བས་མཚན་པ། ཀཾ་ལས་མི་མགོའི་སྒྱེད་པོ། ཨ་ལས་པདྨའི་སྣོད་ཀྱི་ནང་དུ། མ་བི་མུ་ར་ཤུ་གོ་ཀུ་ཧ་ན་ལས་བདུད་རྩི་ལྔ་དང་སྒྲོན་
1-11-16a

མ་སྔར་བྱས་ལ། ཐུགས་ཁའི་ཧཱུཾ་ལ་སྣ་བུག་གཡས་པའི་འོད་ཟེར་གྱི་སྐུལ་བས་རླུང་སྐྱོད། མེ་སྦར་རྫས་རྣམས་ཁོལ་བ་ལས་ཉི་མའི་ཁ་དོག་ལྟ་བུ་བསམ་པར་བྱའོ། །དེའི་སྟེང་དུ་དངུལ་ཆུ་ལྟ་བུའི་
ཁ་ཊྭཱཾ་ཀ་ཐུར་དུ་ལྟས་པས་དཀྲུགས་པ་དེ་ཡང་ཞུ་ནས། དེའི་མདོག་ཅན་དུ་ལྟའོ། །དེའི་སྟེང་དུ་གོང་ནས་གོང་དུ་ཨོཾ་ཨཱ་ཧཱུཾ་ལས། སྐུ་གསུམ་ཐུགས་ཀྱི་འོད་ཟེར་དུ་མ་འཕྲོས་ནས། འགྲོ་བ་སེམས་ཅན་གྱི་དོན་བྱས། ཕྱོགས་བཅུར་གནས་
པའི་འཁོར་ལོ་གསུམ་པོ་དང་། དཔའ་བོ་དང་དཔའ་མོ་དབང་ཕྱུག་རྣམས་སྤྱན་དྲངས་ཏེ། དེའི་སྟེང་དུ་འཁོད་ནས་སྙོམས་པར་ཞུགས་པས། ཞུ་བར་གྱུར་པ་སོ་སོ་རང་རང་གི་ས་བོན་ལ་རབ་ཏུ་ཞུགས་སོ། །དེའི་རྗེས་ལ་ས་བོན་ཡང་ཞུ་སྟེ།
འདྲེས་པས་བདུད་རྩིར་ལྟའོ། །དེ་ནས་ཨ་ལི་ཀ་ལི་ལས་ལག་པ་གཡོན་གཡས་བཟུང་བ་དང་ཉི་མ་བསམ་པའི་དབུས། བར་དུ་ཧཱུཾ་ལྟས་ལ། ཨོཾ་ཨ་ནྱོ་ན། ཨ་ནཱ་ར་ག་ཏ་སརྦ་དྷརྨ་ཨདྱནྟ་ཨ་ནུ་པྲ་བིཥྚ། སརྦ་དྷརྨ་ཧཱུཾ་ཞེས་རྗོད་པས།
ཧཱུཾ་ཉི་ཟླ་དང་བཅས་པ་ཡོངས་སུ་ཡོ་གྱུར་པ་ལས། ལག་པ་རྡོ་རྗེ་ཐལ་མོ་ཁ་ཕྱེ་བའི་དབུས་སུ་གཏོར་སྣོད་གཞག་པར་བསམས་ལ། གཏོར་མ་བདག་གིར་བྱ་བའི་དོན་དུ། ལྷ་མོ་ཚད་མ་དམ་ཚིག་ཚད་མ་དང་། །དེ་ཡིས་གསུངས་པའི་ཆོས་
ནི་ཚད་མ་ཏེ(སྟེ)། །བདེན་པ་འདི་ཡིས་མདུན་ལྷ་མོ་རྣམས། །བདག་ལ་རྗེས་སུ་འཛིན་པའི་རྒྱུར་གྱུར་ཤོག །ཅེས་རྗོད་ལ། །ཨོཾ་ཨ་ར་ལིས། བདག་ཉིད་གཙོ་བོ་ཡབ་ཡུམ་དང་བདེ་ཆེན་གྱི་འཁོར་ལོ་དང་། ཨོཾ་ཀ་ར་ཀ་ར་ལ་སོགས་པ་ཐུགས་
1-11-16b

གསུང་སྐུའི་དཔའ་བོ་དང་རྣལ་འབྱོར་མ་རྣམས་ལ་འབུལ་ལ། པི་ཝང་མ་ལ་སོགས་པས་མཆོད་ལ། སྲིད་དང་ཞི་བ་སྙོམས་པར་སྦྱོར་ཀྱང་ཀུན་རྟོགས་བརླབས་བཅོམ་པས། །ནམ་མཁའ་བཞིན་དུ་དངོས་ཀུན་མ་ལུས་དེ་ཉིད་ཁོ་ནར་
མཁྱེན་པ་རྣམས། །ཤིན་ཏུ་ཕུལ་དུ་ཕྱིན་པའི་ཐུགས་རྗེའི་ཆུ་ཡིས་ཐུགས་ཀྱི་པདྨ་རྒྱས་པའི་མགོན། །ལྷ་མོ་རྣམས་ཀྱི་བདག་ཤིན་ཏུ་རྗེས་སུ་རྩེར་དགོངས་མཛོད། །ཞེས་(ཅེས་)པས་འདོད་པའི་དོན་ལ་གསོལ་བ་གདབ་པོ། དེ་ནས་
དུར་ཁྲོད་ལ་གནས་པའི་ཕྱོགས་སྐྱོང་ལ་སོགས་པ་ལ། ཨོཾ་ཁ་ཁ་ལ་སོགས་པས་གཏོར་མ་སྦྱིན་པས། ཟག་པ་མེད་པའི་བདེ་བས་རྒྱས་པར་བསམ། འཕྲིན་ལས་བཅོལ་ལ། ཡི་གེ་བརྒྱ་པས་ལྷག་ཆད་ཁ་སྐང་(བསྐང་)ངོ་། །དེ་ནས་
རང་གི་སྙིང་གའི་ས་བོན་ལས་འོད་ཟེར་འཕྲོས་པས། བདེ་ཆེན་གྱི་འཁོར་ལོ་ནས་དུར་ཁྲོད་གྱི་བར་ཁྱབ་པར་གྱུར་པ་དང་། དེ་དག་འོད་ཀྱི་རང་བཞིན་དུ་གྱུར་པ་བདག་ཉིད་ལ་འདུས་ཏེ། དེ་ཡང་ཐུགས་ཁའི་ཡེ་ཤེས་སེམས་དཔའ་
ལ་བསྡུས་ལ། ཨོཾ་ཡོ་གེ་ཤུད་དྷོ་སོགས་པ་བརྗོད་ཅིང་པདྨ་བསྐོར་བའི་ཕྱག་རྒྱར་བལྟ་བར་བྱས་ཏེ་མངོན་པར་མཁྱུད་(འཁྱུད་)པའི་ལྟ་སྟངས་ཀྱིས་བསྡུས་ལ། བདག་ཉིད་ཐུགས་ཁའི་ཧཱུཾ་ལ་བསྡུས་ལ། དེ་ལ་ཐུན་འཚམས་(མཚམས་)ཀྱི་ཧེ་རུ་ཀར་བཞེངས་
ལ། ཁམས་དཔའ་བོ་རྣམ་པར་དག་པ་དང་། ཕྱག་རྒྱ་སྔགས་སུ་རྣམ་པར་དག་པ་དང་། ཁ་ཊྭཱཾ་ཀ་ནི་རྣམ་པར་དག་པར་བྱ་སྟེ། གོ་ཆ་ཆེན་པོས་བསྲུངས་ལ། སྣང་གྲགས་དྲན་རྟོག་ཧེ་རུ་ཀའི་སྐུ་གསུང་ཐུགས་ཀྱི་རོལ་པར་ཤར་བ་ལ་
1-11-17a

འབད་པར་བྱའོ། །ཞལ་ནས་སྙན་དུ་རྒྱུད་(བརྒྱུད་)པའི་གདམ་(གདམས་)ངག་ཡབ་དང་འགྲེལ་(འབྲེལ་)བའི་དལ་རྒྱས་པར་སྒོམ་པའི་ལམ་ཐུན་མོངས་(མོང་)མ་ཡིན་པ། མཁའ་འགྲོའི་གསུང་བཞིན་བླ་མའི་བཀའ་ལུང་མ་ཉམས་པར།
ཁ་ཆེའི་པཎྜི་ཏ་མཁས་པ་ཆེན་པོ་འཇིགས་མེད་གྲགས་པས་མཛད་པའི་ཡིད་བཞིན་ནོར་བུ་ཞེས་བྱ་བ། དལ་རྒྱས་པའི་སྒྲུབ་ཐབས་རྫོགས་སོ།། །།
རྒྱ་གར་གྱི་པཎྜི་ཏ་མཁས་པ་ཆེན་པོ་ནཱ་རོ་པ་དེ་ཉིད་ཀྱི་ཞལ་མངའ་(སྔ་)ནས་དང་། བོད་ཀྱི་ལོ་ཚྩ་(ཙྪ་)བ་མར་པ་ཆོས་ཀྱི་བློ་གྲོས་ཀྱིས། པུ་ལ་ཧ་རིའི་དགོན་པ་རུ་ཞུས་ཞིང་གཏན་ལ་ཕབ་པའོ།། །།
སླད་ནས་བསོད་ནམས་སྙོམས་པ་མི་སྐྱོད་(བསྐྱོད་)པས་ཀྱང་ལེགས་པར་བཅོས་པའོ།། །།


目錄
སྙན་བརྒྱུད་ཡིད་བཞིན་ནོར་བུའི་ཡབ་བཀའ་དཔལ་འཁོར་ལོ་སྡོམ་པའི་སྒྲུབ་ཐབས་དཀྱིལ་ཆོག་རྒྱས་པ་བཞུགས་སོ། །